Mətbuat-Monitorinq 08.06.15
Rəsmi qəzetlər I Avropa Oyunlarının keçirilməsilə bağlı mövzunu ilk səhifələrə yerləşdiriblər.
“Azadlıq” qəzeti Binəqədi rayonundakı yanğına görə rəsmi Bakını ciddi tənqid edən Arif Məmmədovun mövqeyini dəstəklədiklərinə görə bəzi həmkarları işdən azad edilib və diplomat onlara “xalqın ədaləti bərpa edəcəyi və bunu çox gözləməyin lazım gəlməyəcəyi” çağırışını ünvanlayıb.
Milli Şuranın sədri Cəmil Həsənli diplomat Arif Məmmədovun rəsmi Bakını tənqidə məruz qoymasına “ölkədəki qanunsuzluq, repressiya və ədalətsizliyin uzun müddət bu hakimiyyətdə çalışanların da dözüm limitini bitirməsi” şərhini verib.
Qəzet iyunun 10-da Brüsseldə keçiriləcək “İdman və insan haqları-Bakıda keçiriləcək Avropa Oyunları kontekstində” adlı dinləmələrdə Azərbaycandakı repressiyaların müzakirəyə çıxarılacağını bildirir.
Fransa prezidenti Olland Avropa Oyunlarının açılış mərasiminə qatılmayacağını yazan qəzet rəsmi Bakının buna görə Almaniya kansleri Angela Merkeli ABŞ-ın diqtəsilə boykot aksiyası reallaşdırmaqda ittiham edir.
AŞPA-nın yay sessiyasında Azərbaycandakı insan haqlarının ağır durumunun müzakirəyə çıxarılmasını siyasilər “beynəlxalq qurumların ölkədə yaranan bu duruma göz yummaq istəməməsi” kimi dəyərləndiriblər.
Rəsmi Bakının ATƏT-in Bakı ofisini bağlamaq səylərini politoloqlar qəzetə “hökumətin cığal siyasətinin nəticəsi” kimi qiymətləndirirlər.
Ölkədə hər min nəfərin 1273 kredit hesabı olmasını yazan qəzet bunu “inkişaf edən ölkə sakinlərinin “kredit bataqlığı” adlandırır.
Bakı Şəhər İcra Hakimiyyətinin başçısı Hacıbala Abutalıbov Salyan şossesi, 37-də qanunsuz tikilən 42 villanın söküləcəyini desə də say artıq 45-ə qalxıb.
“Yeni Müsavat” Avropa Oyunları fonunda Qərbin rəsmi Bakıdan insan haqlarına hörmət tələbini gücləndirməsilə bağlı yaranan gərginliyi “Avropa Oyunları və Bakı-Avropa savaşı” kimi ilk səhifəyə çıxarıb.
Avropa Oyunları ərəfəsində siyasi məhbusların əvf oluna biləcəyilə bağlı sorğulara hüquq müdafiəçiləri “əfv olacağına inanmırıq” cavabını veriblər.
Qəzet Binəqədidə yanan binanın sakinlərinə isnadən kompensasiyaların tam verilmədiyini, mənzillərdə təmir işlərinə başlanılmadığını yazır.
Dini komitə Ramazan ayının və orucluq mərasiminin başlanması vaxtı ilə bağlı Qafqaz Müsəlmanları İdarəsinin təqviminə riayət etmək istəməyən din xadimləri ilə bağlı ciddi ölçü götürüləcəyi barədə xəbərdarlıq edib.
-
- Siyasət
- 8 İyun 2015 12:10
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz