Rəsmi və iqtidaryönlü qəzetlər ABŞ prezidenti Barak Obamanın dövlət başçısı İlham Əliyevə məktubunu ilk səhifələrə çılxarıblar.
“Azadlıq” qəzeti yazır ki, ABŞ prezidenti B.Obama İlham Əliyevə məktubunda onu prezident seçilməsi yox, prezident vəzifəsinin icrasına başlaması ilə bağlı təbrik edib, ikitərəfli əlaqələrin demokratiya, ifadə və sərbəst toplaşmaq azadlıqları təmin olunduqda inkişaf edəcəyi mesajını verib.
Media Hüququ İnstitutu məhkəmələrin “Azadlıq” qəzetinə hücumlarını “rəsmi Bakının sərt tənqidçisini susdurmaq cəhdi” adlandırıb.
Qəzetin çap olunduğu “Azərbaycan” məşriyyatı quruma olan borc noyabrın 12-nə kimi ödənməsə “Azadlıq”ın çapını dayandıracağı barədə xəbərdarlıq edib.
Vətəndaş cəmiyyəti institutları ölkədə azad və ədalətli seçki keçirilmədiyi üçün partiyaların mövcud maliyyələşmə mexanizmini də ədalətsiz sayıblar.
Qəzet “Deputat mandatı “alveri”nə görə həbsdə olan keçmiş deputat Gülər Əhmədovanın məhkəmə prosesində PA-nın rəhbəri Ramiz Mehdiyevin və nazir Kəmaləddin Heydərovun adının hallanmasına, G.Əhmədovaya qarşı mərhum Sevinc Babayevanı zəhərləmək ittihamı səslənməsinə diqqət çəkir.
Miqrasiya Mərkəzi İctimai Birliyi Azərbaycana narkotik maddənin 95%-nin İran vasitəsilə gətirildiyi ittiham-bəyanatını səsləndirib.
“Ekspress” Azərbaycanı razı sala bildiyi halda Türkiyənin Ermənistanla sərhədləri açmaq istəməsi məsələsini birinci səhifəyə çıxarıb.
Rusiya Nəzarət Komitəsinin qərarı ilə azərbaycanlıların Tver şəhərindəki ən böyük meyvə-tərəvəz bazası bağlanıb.
Qəzetin yazdığına görə, Dövlət Neft Fondu Avstraliyada 350 milyon dollarlıq bina alır.
“Novoe Vremya” prezident yanında Strateji Araşdırmalar Mərkəzinin “ərəb baharı” ölkələrindəki durumla bağlı müzakirələrində bu hadisələrin Azərbaycana təsirini “ərəb baharı”nın yüngül küləklə Azərbaycandan yan keçməsi kimi dəyərləndiriblər.
“Bizim yol” Türkiyənin Ermənistanla sərhədləri açmağa hazırlaşmasını ilk səhifəyə çıxarıb.
“Bulla-Dəniz” yatağaında iki aya yaxın davam edən yanğın mühəndis Fazil Vəliyevin layihəsi əsasında söndürülsə də rəsmi Bakı ona nəinki təşəkkür etməyib, əcnəbilər böyük qonorarlar aldlıqları halda o, bundan məhrum edilib.
“Yeni Müsavat” Naxçıvana səfər edən müdafiə naziri Zakir Həsənovu Naxçıvan rəhbərinin qəbul etməməsini ilk səhifəyə çıxararaq bunu “Naxçıvan xanı”nın mərkəzi hakimiyyətlə savaşının qızışması” kimi dəyərləndirir.
Rusiyada baş qaldıran “millətçilik dalğası”nı ekspertlər rəsmi Kremlin postsovet ölkələrinə, ilk növbədə Azərbaycana “təzyiq siyasəti” sayırbar.
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz