Kommunal sektorun beynəlxalq şirkətlərin idarəçiliyinə verilməsinə məmurların «korrupsiya iştahası» mane olur. Üstəlik, bu sektorda əsassız tarif artımı planı hazırlayanda «vətəndaşların cibinə girmək» planını nümayiş etdirib, deyə ekspertlər hesab edir.
Məmurların korrupsiya marağı kommunal sektor müəsisələrinin uzun müddətə beynəlxalq şirkətlərin idarəçiliyinə verilməsinə mane olur, deyə Milli Büdcə Qrupu QHT koalisiyasının eksperti Rövşən Ağayev Turan-a bildirib. O, hesab edir ki, özəl sektorun kommunal sektor müəsisələrini idarə etməsi onun davamlılığını artırar, bücədən buraya milyardlarla yardıma ehtiyac qalmaz.
MBQ-nun hesablamasına görə, təkcə 2007-2013-ci illərdə dövlət vəsaitləri hesabına su təchizatı sisteminə 2 mlrd 950 mln manat, “AzərEnerji” və “Bakıelektrikşəbəkə”yə 1 mlrd 730 mln manat, “Azəriqaz”a 530 mln manat verilib. Beynəlxalq kreditlər də nəzərə alınanda bu strukturlar dövlətdən 6 mlrd manat alıblar.
Rövşən Ağayev işçilərin maşının artırılması üçün kommunal tariflərin artırılması zərurəti yaranması barədə maliyyə nazirinin bəyanatını əsassız sayır. Sual yaranır: hökumət təsərrüfat hesablı inhisarçılara hansı mülahizələrlə qaytarılmayan vəsaitlər verir, həmin yardımı kommunal sektorda özəl şirkətlərə edibmi?
Üstəlik, kommunal sektora dövlətin hesabına dəstək verilməsi vəsaitin nəzarətsiz xərclənməsi ilə nəticələnir. Məsələn, "Azərsu" zərurət olmadan ofisində bahalı təmir aparıb, aldığı bahalı minik avtomobillərinin sayı-hesabı yoxdur. Bu zaman “Azərsu” əməkdaşların maaşının azlığı barədə düşünməyib.
Daha bir dəhşətli faktı açıqlayaq. Bu yaxınlarda KİV-də yayılan sənədə əsasən, “AzərEnerji” ASC ezamiyyə ehtiyacı adı ilə restoran, sauna və otellərdə çoxminli pul vəsaitləri xərcləyib.
2000-ci illərin əvvəlində Azərbaycan hökuməti kommunal sektorda islahat məsələsini ciddi nəzərdən keçirdi, hətta uzunmüddətli istifadəyə verməyə başladı. Bakı, Sumqayıt, Şirvan və Şəki şəbəkələri yerli və xarici şirkətlərə verildi. 2005-2006-cı illərdə investisiya öhdəliklərini ödəməmək və dövlət vəsitlərini talamaq adı ilə müqavilələr pozuldu. Hökumətin Dünya Bankı ilə qaz və su təsərrüfatlarında islahat üzrə danışıqları dalana dirənib. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz