Famil Xəlilovun işi üzrə məhkəmə prosesində

Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi davam edib.

İclasın əvvəlində elan edilib ki, bu iş üzrə şahid iclasa gələ bilməyəcək, buna görə proses fevralın 6-na təxirə salınıb.

Lakin Xəlilovu müdafiə tərəfi  bəzi vəsatətlərlə çıxış edib və məhkəmə onları dinləyib.

Birinci vəsatət Xəlilovun saxlanıldığı zaman pis rəftara dair şikayətin araşdırılmasının gedişi barədə məlumat təqdim üçün Binəqədi Rayon Prokurorluğuna sorğu göndərilməsi barədə olub.

İkinci vəsatətdə bu iş üzrə şahidlərin və Xəlilovu saxlayan polis əməkdaşlarının anten məlumatları istənilib.

Bu vəsatət Xəlilovun uzaq məsafədə küçədə yox, evdə saxlanılması barədə bəyanatı ilə bağlı olub.

Həmçinin Xəlilovun xanımının və yaxınlarının əlavə şahid qismində dindirilməsi barədə vəsatət olub. Belə ki, onlar fəalın evdə saxlanıldığını təsdiqləyə bilərlər.

İstintaqın bildirdiyi kimi, Xəlilovun saxlanıldığı yerdə videomüşahidə kameralarından qeydlərin istənilməsi barədə vəsatət qaldırılıb.

Müdafiə tərəfi Xəlilova cinayət işi açan Binəqədi polisinin müstəntiqinin də dindirilməsini xahiş edib.

Bundan əlavə, müdafiə tərəfi Xəlilovdə narkotik maddələrin olması ilə bağlı operativ informasiya mənbəyi barədə məlumatın polisdən istənilməsi barədə vəsatət qaldırıb.

Daha bir vəsatət bu iş üzrə şahidlərin digər məhkəmə proseslərində iştirak edib-etməməsilə bağlı "Elektron məhkəmə" portalından məlumat istənilməsi barədə olub.

Məhkəmə anten məlumatların, operativ informasiya mənbəyinin istənilməsindən və müstəntiqin çağırılmasından imtina edib.

Əlavə şahidlərin çağırılması barədə vəsatətə baxılması təxirə salınıb.

Prokurorluğa, elektron məhkəmə sisteminə sorğuların göndərilməsi və videomüşahidə kameralarından qeydlərin tələb edilməsi barədə vəsatətlər təmin edilib.

Əlləri iflic olmuş  Famil Xəlilov  mayın 2-də Cinayət Məcəlləsinin 234.4.3-cü maddəsi (satış məqsədilə külli miqdarda narkotik maddələrin istehsalı, daşınması, saxlanması) üzrə ittiham ilə saxlanılıb. Fəalın barəsində 4 ay müddətinə həbs qətimkan tədbiri seçilib. Bu maddə 5 ildən 12 ilə qədər həbs cəzasını nəzərdə tutur.

Onun yaxınları bildirirlər ki, əsl səbəb sosial şəbəkələrdə hakimiyyətin ünvanına tənqidi yazılardır.

Avqustun 15-də Xəlilov azadlığa buraxılması tələbilə aclığa başlayıb. Noyabrın ortalarında azad ediləcəyi barədə vədlərlə əlaqədar aclığı dayandırıb. Noyabrın 28-də məhkəmə qətimkan tədbirini dəyişdirməkdən imtina etdikdən sonra o, yeni, lakin quru aclıq elan edib. Dekabrın 3-də məhkəmə onu ev dustaqlığına buraxıb.