Mətbuat-Monitorinq 08.12.12

Rəsmi qəzetlər dövlət başçısı İlham Əliyevin texniki universitetin binasının əsaslı təmiri üçün 3,5 miylon manat vəsait ayırması haqda sərəncamının mətnini dərc edib. 

“Azadlıq” qəzeti amerikalı ekspertlərin Azərbaycan xalqının demokratik seçkiyə hazır olduğunu, iqtidarın hazır olmadığı rəyi yaydığını yazır.

Bakı meriyasının müsbət cavab verməməsinə baxmayaraq, İctimai Palata dekabrın 10-na təyin edilən aksiyanı keçirməkdə israrlı olduğunu deyir. 

AB Azərbaycan nümayəndəliyinin rəhbəri Rolan Kobia qarşıdakı prezident seçkilərində İlham Əliyevin şansının yüksək olması haqda bəyanatı bir neçə və o cümlədən “Azadlıq” radiosunun sosioloji sorğusuna isnadən verdiyini deyib, radio isə belə sorğu keçirmədiyinə diqqət çəkir.

2012-ci ildə korrupsiyanın yüksək səviyyəsinə görə Azərbaycanın dünyada ilk sıralarda yer almasına PA-nın şöbə müdiri Fuad Ələsgərov etiraz bildirib, iqtisadçı ekspertlər isə Fuad Ələsgərova “PA-nın pəncərəsindən korrupsiya görünmədiyi üçün ölkəyə o pəncərədən baxmamağı” məsləhət bilirlər.

Qəzet yazır ki, PA-nın rəhbəri Ramiz Mehdiyev keçmiş rektor Elşad Abdullayevlə görüşdüyü barədə açıqlama verib. 

Azərbaycan XİN başçısı Elmar Məmmədyaroun ölkənin Avropaya inteqrasiyasında Qarabağ məsələsini əsas problem göstərməsini ekspertlər “nazirin dünya birliyini aldatmaq cəhdi” sayıblar. 

“Zerkalo” qəzeti Qarabağ münaqişəsinə toxunaraq, aparıcı güclərin Azərbaycan və Ermənistanla manipulyasiya etdiyini, münaqişəni həll etmək üçün “iradə nümayiş etdirməyə” imkan vermədiyini nəzərə çatdırır. 

“Ekspress” qəzeti İrlandiyada İrəvanın qeyri-konstruktivliyi üzündən Qarabağ məsələsilə bağlı XİN başçılarının birgə bəyanat verə bilməməsini, həmsədrlərin təkid etməməsini qəzet “Dublin ümidi də öldü...” kimi dəyərləndirir. 

“Exo” qəzeti ölkədə yaşayış fondunun cəmi 65%-nin özəlləşdirildiyini yazaraq, vətəndaşların özəlləşdirməyə getməməsinə səbəb kimi buna zərurət hiss etməməsi və ya səndələrdə problemlər olması göstərilir. 

Qəzet ölkədə dövlət vəsaitləri hesabına cəmi 1-1,5 %  mənzil tikildiyini nəzərə çatdırır.  

“Novoe Vremya” qəzeti ATƏT baş katibinin Qarabağ münaqişəsinin həllini tapmamasına “biz tərəfləri münaqişənin həllinə tərəf itələyə bilmərik” bəyanatı səsləndirdiyini yazır. 

“Bizim yol” qəzeti yazır ki, PA-nın rəhbəri Ramiz Mehdiyev keçmiş rektor Elşad Abdullayevin onun adını hallandırmasını “kimlərinsə ondan alət kimi istifadə etməsi” kimi dəyərləndirib. 

“Yeni Müsavat” qəzeti hazırda həbsdə olan əlbəyaxa döyüşləri üzrə üçqat dünya çempionu Bəhlul Muradovun AXCP sədri Əli Kərimlini öldürmək planını reallaşdırmadığı üçün həbsdə olması haqda açıqlamasını “Əli Kərimlini öldürmək planının üzə çıxması” adlandırır.  

Qəzet müxalifətin dekabrın 10-na parlament binası önünə təyin edilən aksiyaya icazə verilmədiyi üçün təşkilatçılar aksiyanı şəhərin mərkəzinə keçirdiyini yazır.  

Qəzet dövlət başçısının PA-sı ilə bağlı kadr təyinatlarını “dövlət başçısının seçki komandasını formalaşdırması” kimi təqdim edir.