![Mətbuat-Monitorinq 09.02.13](https://turan.az/resized/750/500/resize/media/2013/main/020900027782.jpg)
Mətbuat-Monitorinq 09.02.13
Rəsmi qəzetlər Serbiya prezidentinin Azərbaycana səfəri, Azərbaycan rabitə peykinin orbitə çıxarılması, yazıçı Əkrəm Əylislinin əleyhinə yazılar dərc ediblər.
“Azadlıq” qəzeti MTN-in tapşırığı ilə Bakıda naxçıvanlıların və kürdlərin siyahıya alınmalarını manjetə çıxararaq onların Rusiya əlaqələrinə diqqət yetirildiyini qeyd edir.
İctimai-siyasi blokda qəzet “bandotdel” əməkdaşlarının apteklərdə qanunsuz axtarışlarına cavab olaraq əczaçıların etiraz aksiyalarına hazırlaşdıqlarını bildirir.
Avropanın rəsmi Bakının İranla məxfi əməkdaşlığını araşdırmasına diqqət çəkir.
Keçmiş rektor Elşad Abdullayevin seçkilərə az qalmış iqtidarı ifşa edən videolar yayacağı anonsu verdiyini xatırladır.
Heydər Əliyevin adının diktator kimi çəkildiyi dərslik müəllifi Fərman Dəmirqol “diktaturanı Bakıda özüm görmüşəm” bəyanatını səsləndirib.
Hüquqşünaslar nazir Füzuli Ələkbərovun oğlunu nazirliyin bahalı layihələrinə payçı etməsinə “bu korrupsiya cinayətidir” şərhini veriblər.
Deputat İlyas İsmayılov deputat və məmurlara bizneslə məşğul olmaq qadağası qoyan qanun layihəsinin qəbul edilməməsini parlamentin dövlət quruculuğu komitəsinin “korrupsiyaya töhfə verməsi” kimi dəyərləndirib.
Zaqataladakı zəlzələ bölgəsinin bərpasına ayrılan vəsaitlərin mənimsənilməsinə dair məqalə yer alıb.
“Zerkalo” RF parlamenti aşağı palatasının başçısı Narışkinin Qarabağ probleminin tezliklə həllini tapmayacağı bəyanatına “Rusiya tərəfdən gələcək təxribatlara hazır olmaq” mövqeyini ifadə edir.
“Ekspress” Güney Azərbaycan məsələsinin ABŞ Konqresində müzakirə olunması üçün lazım olan qədər imzanın toplandığını nəzərə çatdırır.
Penitensiar Xidmətin rəhbərliyi 2012-ci ildə 7 həbsxana rəisinin işdən azad edildiyini, 164 əməkdaşın intizam məsiuliyyətinə cəlb olunduğunu bəyan edib.
“Exo”. Yeni qanun layihəsi spirtli içki və siqareti 21 yaşından yuxarı şəxslərin almasını nəzərdə tutur.
Bakıda yolların 35-40%-nin təmirə ehtiyacı var.
“Novoe Vremya” AŞPA-nın Azərbaycan üzrə məruzəçilərinin İsmayılı olayları ilə bağlı həbslərə iki həftədən sonra reaksiyalarına “nə əcəb vicdanları oyandı?” mövqeyini bildirib.
“Bizim yol” siyasi partiya və QHT-lərə yardım göstərənlərin cərimələnəcəyi ilə bağlı qanuna dəyişikliyinn nəzərdə tutulmasını “müxalifətin bütün maliyyə kanallarının bağlanması” kimi dəyərləndirir.
Xalq etirazlarını yatırmağa göndərilən çevik polis alayı əməkdaşlarının maaşları azaldılıb.
“Yeni Müsavat” iqtidarın seçkiyə yəhudi texnoloqları dəvət etməsini ilk plana çıxarıb və bunu rəsmi Bakının seçkilərə sürpriz müttəfiqlərlə getməsi”kimi dəyərləndirir.
İctimai-siyasi blokda iqtidarın partiyalara ayırdığı vəsaitlərin həcminin açıqlandığı qeyd edilir.
Ölkədə sərbəst toplaşmaq azadlığının təmin edilməməsinə baxmadan vətəndaşların ertiraz aksiyaları keçirmələrini YAP məsulu Əli Əhmədov “polislə gizlənpaç oynamaq” sayır.
Keçmiş müdafiə naziri Rəhim Qazıyevin, baş nazir Surət Hüsynovun iştirakı ilə yeni hərəkatın yaradılmasına başlanılır.
Müsavat Partiyasının başqanı İsa Qəmbər yazıçı Əkrəm Əylislinin “Daş yuxular” əsərinə “bu əsərin müdafiə olunacaq bir tərəfi yoxdur, Ə.Əylislinin şöhrətpərəstliyi bu əsərində zirvəyə qalxıb, cəmiyyətə də, bölgədəki sülhə də ciddi zərbə vurub” mövqeyini ifadə edib.
-
- Siyasət
- 8 Fevral 2013 20:52
-
- İqtisadiyyat
- 9 Fevral 2013 11:23
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz