“Azəryolservis” ASC Azərbaycanda avtomobil yollarının yenidən qurulması zamanı daşınmaz əmlakı sökülməli olan şəxslərə kompensasiya verilməsi planını ilk dəfə açıqlayıb. Bakı-Şamaxı-Yevlax avtomobil yolunun Bakı-Şamaxı hissəsinin 2 zolaqlıdan 4 zolaqlıya genişləndirilməsi çərçivəsində “URS Infrastructure & Environment UK Limited” firması tərəfindən hazırlanan sənəd SC-nin saytında (www.azeryol.az) yerləşdirilib.
Firmanın hesabatında bildirilir ki, Bakı-Şamaxı yolunun 2 zolağının tikintisi zamanı müvafiq ərazi 2011-ci ilin noyabrından 2012-ci ilin aprelinə kimi öyrənilib.
Azərbaycan hökuməti “Magistral avtomobil yolları 3” layihəsi çərçivəsində Dünya Bankından Bakı-Şamaxı yolunda 71,4 km uzunluğunda 2 zolaq tikintisi üçün kredit alıb. Hazırda tikinti işləri gedir. Yolun hər iki tərəfində 30 m mühafizə zolağı yerləşir.
Bu köçürmə planı köçürmə üzrə 3 hissəli tədbirin I hissəsidir. Plan Dünya Bankının prinsipləri ilə layihənin təsiri və bərpa tədbirləri üçün kompensasiya verilməsini nəzərdə tutur.
Köçürmə tədbirləri kompensasiya tam veriləndən sonra başlaya bilər. Layihənin birinci hissəsinin təsirinə Cəngi və Ceyrankeçməz kəndlərinə 16 ailə düşür. Layihənin birinci hissəsinə düşən torpaqların praktik olaraq hamısı dövlət mülkiyyətindədir. Amma bu və ya digər şəkildə layihədən ziyana düşən ailələr qiymətləndirmədən sonra dövlətdən müvafiq kompensasiya alacaq. --08B—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz