Mətbuat-Monitorinq 09.07.14

Rəsmi qəzetlər dövlət başçısı İlham Əliyevin NATO baş katibinin Cənubi Qafqaz və Mərkəzi Asiya üzrə xüsusi nümayəndəsini qəbul etməsi, Hafiz Paşayevin Azərbaycan Diplomatiyası Akademiyasına rektor təyin olunması, Göyçay rayonunun Cəyirlı-Qızılağac-Yekənd avtomobil yolunun tikintisilə bağlı vəsaitin ayrılması haqda haqda sərəncamlar imzalaması xəbərləri ilk səhifələrdə əksini tapıb.

“Azadlıq” qəzeti ABŞ MDİ Bakı nümayəndəliyinin keçmiş rəhbəri Aleks Qriqoryevin rəsmi Bakının ölkədə beynəlxalq qurumların nümayəndəliklərini  bağlamasına “ölkədə ictimai narazılıq var və bu ölkənin daxili təhlükəsidir” bəyanatını ilk səhifəyə çəkib.

Dini məzhəb fərqliliklərilə bağlı vətəndaşların bir-birinə dözümsüzlüyü faktlarına   dair qəzet yazır ki, AXCP dindarları dözümə, dövləti qətiyyətə, medianı təmkinə çağırıb.

QHT-lərin fəaliyyətilə bağlı qanunvericiliyə son dəyişikliklərin beynəlxalq qurumlara çətin fəaliyyət şəraiti yaratmasına ekspertlər “bu dəyişikliklər beynəlxalq təşkilatların ölkədən getməsini sürətləndirmək üçündür” şərhini veriblər.

Ekspertlər Qarabağ ətrafı  ərazilərin Azərbaycana qaytarılması barədə ABŞ-ın Ermənistan səfirinin bəyanatını “Rusiyanın Azərbaycanı Avrasiya İttifaqına cəlbetmə siyasətinə ABŞ-ın alternativi” kimi dəyərləndiriblər.

Paytaxtda qanunsuz tikililərlə bağlı tədbirlərin görüiləcəyi haqda bəyanatlara baxmayaraq belə tikililərin bir ucdan artmasına baş nazirin müavini Abid Şərifov “bu qanunsuzluqların sonu görünmür” mövqeyini ifadə edib.

Azərbaycanda vətəndaşların gəlirlərinin yarısını ərzağa xərcləməsini ekspetlər “gəlirlərin aşağı olması”  ilə əlaqələndiriblər.

“Ekspress” cəbhə bölgəsində ordunun irimiqyaslı təlimlərə başlamasını ilk səhifədə yerləşdirib.

“Exo”  Azərbaycanda adambaşına düşən xüsusi mülkiyyətin 11,5 min manat təşkil etməsini önə verib.

“Novoe Vremya”  Ukraynada yaşayan azərbaycanlıların bu ölkənin ərazi bütövlüyü uğrunda döyüşlərə qatılmasına “Azərbaycanlılar Ukraynada nəyə görə döyüşməlidirlər?” sualı ilə mənfi münasibətini ifadə edir.

“Bizim yol”  dövlət başçısı İlham Əiyevin avropalı liderlər tərəfindən heç zaman tənqid olunmaması haqda açıqlamasını “sensasion bəyanat” sayaraq ilk səhifədə yerləşdirib.

Ölkə regionlarının inkişafına 54 milayrd manat investisiya qoyulmasına baxmayaraq,müflisləşmənin baş verməsi səbəbləri kimi bölgələrdə sosial yaşayışın aşağı olmasını, iş yerlərinin olmamasını, daşınmaz əmlakın girov predmeti kimi qəbul olunmaması, kommersiya banklarının azlığı göstərilir.

“Yeni Müsavat” nəqliyyat naziri Ziya Məmmədova məxsus bır sıra obyektlərin, o cümlədən “Trump Tover Baku”nun əllərindən alınması,media layihəsinin üstündən xətt çəkilməsi, böyük biznes ortağı “Hafka”nın həbs olunmasını qəzet nazirin “qürubu və həzin sonu” sayaraq önə verib.

Qəzetin iddasına görə, dəmiryol  xəstəxanasında qüsurlarla bağlı auditləri sakitcə yola salmaq üçün xəstəxana daxilində 500-3000 manat arasında “vergi” yığılır.

Mülkiyyət hüquqlarının pozulması ilə bağlı şikayətlərin çoxaldığını deyən ekspertlər bunu “əyalətlərdə məmurların camaata zülm etməsi” adlandırırlar.