Mətbuat-Monitorinq 09.09.15

Rəsmi qəzetlər dövlət başçısı İlham Əliyevin yanında iqtisadi məsələlərə və 2016-cı ilin dövlət büdcəsinin hazırlıq işlərinə dair müşavirə haqda reportajı ilk səhifələrdə yerləşdiriblər.

“Azərbaycan” qəzeti Yaxın Şərq ölkələrində baş verən proseslərdə Qərbi ittiham edərək bu fonda mahiyyəti bəlli omayan “Antiazərbaycançı dairələr öz hədəflərinə çatmayacaq” başlıqlı məqalə dərc edib. 

“Azadlıq” qəzeti dövlət başçısı İlham Əliyevin keçirdiyi müşavirədə gəlirlərin kəskin azalması ilə bağlı bəyanatını “ağır böhranın anonsu” kimi manjetə çıxarıb.

Avropa Parlamenti Azərbaycandakı repressiyaları müzakirəyə çıxarır və bu gün Brüsseldə qətnamə qəbul ediləcəyi gözlənilir.  

ABŞ-ın Azərbaycandakə keçmiş səfiri Riçard Kozlariç Ağ Evə məhkəmə sistemini cəza alətinə döndərən rəsmi Bakıya qarşı sanksiya tətbiqinə çağırıb.

Mərkəzi Bank bölgələr üzrə ən çox vaxtı keçmiş kreditlərin Naxçıvanda qeydə alınması barədə bəyanat verib. Ekspertlər keçən il ilə müqayisədə bu il kredit götürənlərin sayının 50%-dən çox azalmasına “bu tendensiya iqtisadiyyatda böhran yaradacaq” şərhini veriblər.

Bu il Azərbaycanla Rusiya arasında transsərhəd pulköçürmələrinin həcmi 225 milyon dollar olub, keçən il ilə müqayisədə bu rəqəm 148 milyon dollar azdır.

Rəsmi qurumlar Bakıda tıxacın qarşısını rayon qeydiyyatında olan maşınların sentyabrın 15-dən sonra Bakıya buraxmamaq kimi “orijinal intellektual” üsulla almaq istəyir.

“Ekspress”  ölkə gənclərinin demokratiya uğrunda mübarizəsini Ukraynanı Rusiya asılılığından xilas edən “Maydan” hərəkatı ilə özü də mənfi mənada müqayisə edən İlham Əliyevin “Azərbaycanda “Maydan hərəkatı” yaratmaq istəyirdilər” bəyanatını ön çəkib.

“Novoe Vremya”  BMT baş komissarı Zeyd Raad əl-Hüseynin rəmsi Bakıya siyasi məhbusları azad etməyə çağırmasını diqqət mərkəzinə çəkib.

“Bizim yol”  neftin ucuzlaşması ilə gəlirlərin kəskin azalmasına dövlət başçısı İlham Əliyevin “hökumət gələn ildən yeni situasiyada işləyəcək” bəyanatını ilk plana çıxarıb.

Bakıda tıxacların qarşısını almaq üçün rayon qeydiyyatında olan maşınların Bakıya buraxılmaması haqda hökumətin qərarını ekspertlər Konstitusiyaya zidd qərar adlandırıblar.  

“Yeni Müsavat”  ölkənin bəzi diplomatlarının rəsmi Bakının üzünə “ağ” olmasını “diplomatiik qiyam” adlandıraraq ilk səhifəyə çıxarıb.

Siyasi məhbuslara əfv ərizələri yazdırıldığını yazan qəzet bunu icimaiyyətə “hakimiyyətin böyük əfvə” hazırlaşması kimi təqdim edir.  

Ölkə gənclərinin demokratiya uğrunda mübarizəsini Ukraynanın “Maydan” hərəkatı ilə müqayisə edən dövlət başçısı İlham Əliyev bu fəallığı gənclərin “çirkin işlərə sövq olunmaları” adlandırır. 

YAP üzvü olan bəzi rektorlar deputat mandatından əl çəkmək istəməmələrinə “biz partiyanın əsgəriyik, nə desələr onu da edəcəyik” mövqeyini ifadə ediblər.

Bankların bağlanmasının aktuallaşmasına ekspertlər “bank sektoru hazırda ucuz neftin və devalvasiyanın fəsadlarını yaşaması” kimi şərh veriblər.

Gecikmiş kreditlərin həcminin artacağını deyən ekspertlər bu faktla bağlı  “əmanətlər bata, banklar müflis ola bilər” xəbərdalığını ediblər.