Sentyabrın 8-də axşam saat 18:00 radələrində Nərimanov rayonunda Tələt Şıxəliyev küçəsi 12 saylı (177 saylı orta məktəblə üzbəüz) binanın qarşısında çoxillik ağac qırılaraq avtomobillərin üzərinə düşüb. Ağacın altında qalan azı 3 minik avtomobili əzilib. Təsadüf nəticəsində insanlara ziyan dəyməyib.
Turan-ın müxbiri də hadisə yerində olub. Sakinlər dəfələrlə Fövqəladə Hallar Nazirliyinin 112 qaynar xəttinə, yerli hakimiyyət orqanlarına zəng etsələr də köməyə gələn olmayıb. Fövqəladə Hallar Nazirliyinin qaynar xəttindəki operator hadisə yerinə göndərmək üçün avtomobillərinin olmamasını və ya lazımı ünvanda telefona cavab verən şəxsin yerində olmamasını bildirib. Yerli icra hakimiyyəti orqanlarından da köməyə gələn olmayıb.
Nəhayət, məcburiyyət qarşısında qalan sakinlər özləri kranları gətirib, pulunu ödəyib, avtomobillərini xilas edib.-03B-
Cəmiyyət
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
Rəy yaz