Mətbuat-Monitorinq 09.10.14
Rəsmi qəzetlər dövlət başçısı İlham Əliyevin sədrliyilə Nazirlər Kabinetində iclasın keçirilməsi haqda xəbəri, Alimpaşa Məmmədovun Şəmkir rayonuna icra başçısı təyin edilməsi haqda sərəncamın mətnini dərc ediblər.
“Azadlıq” qəzeti iqtidarın rüşvətxor mahiyyətini açaraq keçmiş hakim Həsən Əliyevin rüşvətlə bağlı məhkəmə prosesini önə çəkir, bu məsələdə Nərimanov rayonunun keçmiş prokuroru, müavini və köməkçisi barədə də cinayət işinin başlandığını bildirir.
Rusiyanın “Memorial” təşkilatı Azərbaycanda siyasi həbslərə etiraz olaraq oktyabrın 9-da Azərbaycanın Rusiyadakı səfirliyinin önündə aksiya keçirməyi nəzərdə tutur.
Azərbaycanın cəmiyyət fəalları isə xalqı Milli Şuranın siyasi həbslərə etiraz olaraq oktyabrın 12-də keçirilməsi nəzərdə tutulan aksiyalara qatılmağa dəvət edirlər.
“Ekspress” Ermənistanın girov götürdüyü Dilqəm Əsgərov və Şahbaz Quliyevin Xankəndində məhkəmə önünə çıxarılmasını ilk səhifəyə çəkərək bunu “məhkəmə məzhəkəsi” adlandırır.
“Exo” ölkədə sığorta mükafatlarının həcminin artmasını, amma bu şirkətlərin təklif etdikləri xidmətlərin sayında “axsaqlıq” olduğunu ilk plana çıxarıb.
Ekspertlər Bakıda bütün tikintinin ümumi həcminin 20%-ni “qanunsuz” tikililərin təşkil etdiyini bildirirlər.
Hər il Bakıda 10 minə yaxın küçə itinin öldürüldüyünü deyən ekspertlər bununla bağlı cərimənin 500 manat olmasına baxmayaraq, bunun qarşısı alınmır.
“Novoe Vremya” beynəlxalq qurumların rəsmi Bakını tənqid etməkdə davam etməsi mövzusunu ilk səhifədə yerləşdirib.
“Yeni Müsavat” məmur özbaşınalığı ilə bağlı məsələni önə verib. Nəqliyyat naziri Ziya Məmmədovun qardaşı, deputat Elton Məmmədov sürücülərdən maşinları avtovağzalda ona məxsus avtoyuma məntəqəsində yudurtmağı, ona məxsus “benzinkolonkalar”dan benzin doldurmağı tələb edir, narazı sürücülər isə aksiyalara hazırlaşırlar.
Azərbaycandan keçərək Gürcüstanda ifşa edilən 3 ton maye heroin cinayəti ilə bağlı Gürcüstan tərəf yükün “Taliban”a aid olduğunu bildirib. Yük İrandan keçməklə son məntəqə kimi Moldovaya çatmalı imiş, bununla bağlı iki nəfər həbsə alınıb.
Ölkə ictimaiyyətinin “zəlzələşünas” kimi tanıdığı Elçin Xəlilov orduya ayrılan materialları öz biznes strukturlarına yönəltməkdə ittiham edilərək həbs olunub.
YAP-ın “siması” deputat Siyavuş Novruzov insan haqlarının ağir durumuna görə Azərbaycanı tənqid edən beynəlxalq qurumlara “ermənilərin əlində olmaları” damğasını vurub.
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz