Mətbuat-Monitorinq 10.07.14

Rəsmi qəzetlər Ramazan ayı münasibətilə dövlət başçısı İlham Əliyevin islam ölkələrinin Azərbaycandakı səfirlərilə görüşü, Zahid Qaralovun “Şərəf” ordenilə təltif olunması, Fərid Şəfiyevin Çexiyaya, Tahir Tağızadənin Böyük Britaniya və Şimali İrlandiyaya səfir təyin olunması barədə sərəncamlarının mətnlərini dərc ediblər.

“Azadlıq” qəzeti  baş nazirin keçmiş birinci müavini Abbas Abbasovun Moskvada azərbaycanlılar arasında SSRİ-nin təbliğatına başlamasını önə çəkərək bu faktı “Abbas Abbasovdan sensasion açıqlamalar” asdlandırır.

Qəzet hüquq müdafiəçisi Leyla Yunusun iqtidar əleyhinə olanlara qarşı PA-da təxribatlar hazırlanması barədə informasiyaya malik olması haqda açıqlamasını “Leyla Yunusa  qarşı təxribat hazırlanmasırı” kimi dəyərləndirir.

Rusiyanın Ukraynada iflasa uğraması hadisələri fonunda ruspərəst mövqeyilə seçilən PA-nın rəhbəri Ramiz Mehdiyevin “yoxa çıxmasını” qəzet “ boz kardinalın alınmayan revanşı...” adlandırır.

20-dən artıq müstəqil QHT-nin bank hesablarının dondurulması və layihələrin icrasının dayandırılmasını qəzet “iqtidarın müstəqil QHT-lərin fəaliyyətinə son qoyması” adlandırır. 

Qəzetin iddiasına görə, Sumqayıtda  “İraq Şam İslam Dövləti” adlı terrorçu qruplaşmasının bayraqlarını gəzdirən avtomobillər peyda olub.

Ekspertlər Bakıda evlərin sökülməsi prosesinin mənzil bazarında qiymətləri daha 1-2% bahalaşdıracağı qənaətini ifadə ediblər.

“Ekspress”  Azərbaycan XİN rəhbərinin müavini  Araz Əzimovun Minsk Qrupu həmsədrlərinin qrupun işinə əngəl törətməsi ittihamını ilk səhifəyə çəkib.

“Novoe Vremya”  Azərbaycanın Qərblə xammal əməkdaşlığına tənə dolu “Biz Qərbin xammal “əlavəsiyik” və bununla fəxr edirik?” mövqeyini ifadə edir.

“Bizim yol”  Qərb- Rusiya münasibətlərinin gərgin olduğu indiki durumda Qarabağ müharibəsinin hər an alovlana biləcəyini nəzərə çatdırır.

“Bank of Azerbaijan” müştərilərin pullarını qaytarmadığı üçün bank önündə müştərilərlə bank əməkdaşları arasında dava baş verib.

“Yeni Müsavat”  Robert Cekutanın ABŞ-ın Azərbaycana səfir təyin olunmasını manjetə çıxararaq fakta “ABŞ Vikileaks”də adı keçən diplomatı Bakıya səfir göndərir” reaksiyası verir.

Qəzet “Hafka” ləqəbilə tanınan iş adamı Hafiz Məmmədovun “Bank of Azerbaijan”ın pullarını götürərək qaçdığını iddia edir.

Rəsmi Bakının son vaxtlar müstəqil QHT-lərə hücumlarına cavab olaraq bəzi QHT-lər əməkdaşlıq çərçivəsində “QHT-lərin Həyəcan Şəbəkəsi” adlı birlik formatını təsis ediblər.

Nəqliyyat naziri Ziya Məmmədovu büdcə pullarını “havaya sovurmaq”da ittiham edən qəzet bunun nəticəsində Z.Məmmədova məxsus “Qranat Holdinq”lərin, restoran və şadlıq evləri şəbəkəsinin genişləndiyini nəzərə çatdırır.