Rəsmi və iqtidaryönlü qəzetlər dövlət başçısı İlham Əliyevin Cəlilabad rayonunun sosial inkişafı, Alar-Təzəkənd- Üçtəpə- Əliqasımlı-Cəfərxanlı yolunun çəkilişi üçün üst-üstə 4 milyon manat vəsaitin ayrılması haqda sərəncamının mətnini dərc ediblər.
Bundan əlavə, bu rəsmi qəzetlər Milli Şuraya qarşı böhtan, iftira, qaralama kampaniyası kimi “ənənəsini” davam etdirir.
“Azadlıq” qəzeti ABŞ dövlət katibinin müavini Tomas Melianın Bakıya səfərinin təxirə salınmasını Bakı ilə ABŞ arasında qarşıdurma kimi dəyərləndirir.
“Azərbaycan” nəşriyyatı “Azadlıq” qəzetinə sentyabrın 10-na kimi nəşriyyata olan borcun 10 min manatlıq hissəsi ödəməsə çapın dayanacağı barədə ultimatum verib.
Milli Şuranın prezidentliyə vahid namizədi Cəmil Həsənli ilə görüşdə Liberal və Açıq Cəmiyyət partiyaları sona qədər onu dəstəkləyəcəklərini vəd veriblər.
“Zerkalo” ABŞ-ın ATƏT-in Minsk Qrupunda yeni həmsədrinin ABŞ-ın Cənubi Qafqazda aktivləşməsi və ilk növbədə Qarabağ münaqişəsinin tənizmlənməsinə nail olması bəyanatını ilk səhifəyə çıxarıb.
“Ekspress”. Müəllim tələbatının ödənməsilə bağlı Təhsil Nazirliyinin müsabiqələr keçirilməsinə baxmayaraq rayonlarda vakant yerlər hələ çox qalıb.
“Exo” ekspertlərə istinadən ölkədə gənclərin gündəlik qazanclarının orta hesabla 10 manat olmalı olduğunu bildirir və ümumiyyətlə bundan aşağı qazancla gənclərin Azərbaycanda yaşaya bilməsini real saymır.
“Bizim yol” “Azərenerji”ASC-nin büdcəyə ödədiyi verginin aldığı dotasiyadan az olduğunu yazaraq ““Azərenerji” ildə 1 milyard manatı hara xərcləyir” sualını ünvanlayır.
Qəzetin iddiasına görə, 2 saylı həbsxanada vəziyyət nəzarətdən çıxıb, həbsxanaya daxili qoşunların yeridiləcəyi xəbərləri dolaşır.
“Yeni Müsavat” həbsdə olan keçmiş nazirlər Fərhad Əliyev və Əli İnsanovun azadlığa buraxılacaqlarını, Ə.İnsanovun ölkədən getmək şərtilə azad olunacağını nəzərə çatdırır.
İqtidarın seçki sahəsindəki fəaliyyətini ekspertlər “bütün arsenalın seçkiləri saxtalaşdırmaq prosesinə cəlb etməsi” kimi şərh ediblər.
Qəzetin yazdığına görə, paytaxtdakı ticarət obyektlərinə vergi müfəttişi adı ilə zəng edən şəxslər Vergilər Nazirliyinin hesabına pul köçürülməsinə tələb edir, əlavə informasiya vermirlər.
Cəmiyyət
-
HONOR cihazlarını əldə edən abunəçilərə “SuperSən” tarif paketlərinə 50% endirim Yeni tədris ilində Honor smartfonları və “SuperSən” tarif paketi daha əlçatandır! Qarşıdan gələn tədris ilində abunəçilərini daha da sərfəli internet və danışıq xidmətləri ilə təmin etməyi hədəfləyən “Azercell Telekom” MMC yeni kampaniyaya start verir.
-
Azərbaycanda növbədənkənar parlament seçkiləri üç gündür arxada qalıb. Artıq bütün 125 dairə üzrə lider namizədlər də açıqlanıb. Amma bir neçə dairələrlə bağlı ardıcıl şikayətlər eşidilməkdədir. Mərkəzi Seçki Komissiyasının (MSK) sədri Məzahir Pənahov bugünlərdə bildirmişdi ki, quruma nə müraciət daxil olacaqsa, arzu edilən bütün beynəlxalq müşahidəçilərin, media nümayəndələrinin iştirakı ilə araşdırılacaq: "Pozuntu kimi təqdim edilən bütün məsələlər çox ətraflı, şəffaf şəkildə araşdırılacaq və müvafiq qərarlar qəbul olunacaq".
-
Sentyabrın 5-də Bakıda hava dəyişkən olacaq, yağıntı olmayacaq. Şimal-qərb küləyi əsəcəkş Havanın temperaturu gecə müsbət 19 +24, gündüz müsbət 26 + 31 dərəcə olacaq. Rütubət gecə 70-80, gündüz 50-55 faiz olacaq.
-
Sentyabrın 3-də Bərdə rayonunun Cəyirli kəndində yerləşən yarımtikilidə 2 gün əvvəl itkin düşmüş həmin kəndin sakini, 15 yaşlı qızın meyiti aşkar edilib.
Rəy yaz