Ölkənin etiraz elektoratını birləşdirən Milli Şuranın (MŞ) prezidentliyə vahid namizədi Cəmil Həsənli ilə Liberal Partiyanın lideri Lalə Şövkət arasında görüş keçirilib. Bu haqda Turan-a ALP sədri Əvəz Temirxan məlumat verib. Onun sözlərinə görə, görüşdə bir çox məsələlər müzakirə obyekti olub.
Ə.Temirxan qeyd edib ki, L.Şövkət prezident seçkilərində C.Həsənliyə dəstək verəcəyini bildirib. Amma bu dəstəyin hansı formada olacağı yalnız seçki kampaniyası dövründə bəlli olacaq. Seçki kampaniyası dövründə vəziyyətə uyğun addımlar atılacaq. Görüş zamanı L.Şövkətin MŞ-dən çıxması məsələsi müzakirə obyekti olmayıb.
Prezidentliyə namizəd C.Həsənli isə görüş barədə qısa şərhlə kifayətlənib. O qeyd edib ki, görüşdə seçkiöncəsi duruma, ölkədəki vəziyyətə, MŞ ilə bağlı bəzi məsələlərə toxunulub. C.Həsənli səmərəli fikir mübadiləsi aparıldığını, Liberal Partiyanın MŞ-də qaldığını nəzərə çatdırıb.-05B-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz