Rəsmi qəzetlər ölkənin özünü bütün risklərdən qoruması, Qərbin Azərbaycana qarşı qərəzli kampaniya aparması, iqtisadi islahatların uğurlara səbəb olması kimi hakimiyyəti tərif edən yazıları ilk səhifələrdə yerləşdiriblər.
“Azadlıq” qəzeti Milli Şuranın sədri Cəmil Həsənlinin deputat təyin ediləcək şəxslərin siyahısını açmasını “iqtidarın seçki oyununu ifşa etməsi” kimi manjetə çıxarıb.
Həbsdə olan tanınmış hüquqşünas İntiqam Əliyev Beynəlxalq Hüquqşünaslar Assosiasiyaının ali mükafatına layiq görülüb, mükafat Vyanada İ.Əliyevin oğluna təqdim edilib.
İqtidar mənsublarının ölkəni talaması fonunda hüquqşünas İntiqam Əliyevə beynəlxalq mükafatın verilməsinə AXCP sədri Əli Kərimli “dünya görür ki, bu millət yalnız oğru və korrupsioner yetişdirmir” mövqeyini səsləndirib.
ATƏT/DTİHB-nin Azərbaycanda seçki prosesini izləməkdən imtina qərarına cavab olaraq Azərbaycan nümayəndəlyinin Daimi Şuraya bu qərarı dəyişdirmək müraciətini qəzet “hakimiyyətin ATƏT-ə minnətçi düşməsi” kimi şərh edir.
Ölkə banklarında kreditlərin alınması artımının dayanmasını, problemli kreditlərin həcminin artmasını, əhalinin əmanətlərini geri çəkməsini ekspertlər “bankların sürətlə çöküşə getməsi” kimi dəyərləndirirlər.
“Ekspress” Mərkəzi Bankın digər banklara əhalinin kreditləşməsini azaltmaq barədə tövsiyəsini diqqət mərkəzinə çəkir.
Qəzet Xəzər akvatoriyasından Suriyaya atdığı 24 raketdən 4-nün İran ərazisinə düşdüyünü nəzərə çatdırır.
“Novoe Vremya” ölkədə problemli kreditlərin həcminin artması məsələsini önə çəkib.
“Bizim yol” baş nazirin müavini Yaqub Eyyubovun Rusiya rəhbəri Putini tərifləməsini ilk səhifədə yerləşdirib.
Rusiyadan regionlara gələn pulların kəsildiyini, isşizlik, yoxsulluğun artdığını yazan qəzet bu fonda “Bakıya buraxılmayan kəndli geri dönüb nə etsin?” sualını gündəmə gətirir.
“Yeni Müsavat” “qara maskalı”ların nazir Ziya Məmmədovun evində və bağında axtarış aparmaları haqda iddianı ilk səhifəyə çəkib.
Rusiyanın Suriyaya müdaxiləsilə Rusiya-Türkiyə əlaqələrinin pozulması, Türkiyə rəsmilərinin Azərbaycana sıxlaşan səfərləri fonunda qəzet hadisələrə “Türkiyə Qərbin yanına qayıdır, həm də Azərbaycanla” mövqeyini ifadə edir.
Qəzet maliyyə vəsaiti azlığı səbəbilə beynəlxalq əhəmiyyətli Ələt-Astara yolunun tikintisinin tamamilə dayandığını nəzərə çatdırır.
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz