Mina dağındakı ölum faktları haqda Səudiyyənin açıqlaması şübhə altına düşür

Türkiyə xəbər saytları “Associated Press” xəbər agentliynin hesablamalarına əsasən bu il Həcc ziyarəti zamanı Mina dağında yaşanan izdihamda ölənlərin sayının 1453 nəfərə çatdığını bildirirlər.  

Mənbələr bu rəqəmin rəsmi Səudiyyənin açıqlamalarında ifadə edilən rəqəmlərdən qat-qat çox olduğunu vurğulayırlar.  

“Associated Press”in hesablamaları əsasən 18 ölkənin rəsmi və ya dövlət media qurumlarının açıqladığı rəqəmlərə əsaslanır. Bu rəqəmlər Mina dağındakı faciə zamanı yalnız ölənləri əhatə edir. Yaralı və ya xəsarət alanlar bu sıraya daxil deyil.

Rəsmi Tehran faciə zamanı bu ölkədən 465, Misir 148, İndoneziyada 120 vətəndaşın öldüyünü bəyan edir.

Rəsmi məlumatlara əsasən ölənlərin 99-u Nigeriya, 89-u Pakistan, 81-i Hindistan, 70-i Mali,  54-ü Seneqal, 51-i Benin, 42-i Kamerun, 31-i Efiopiya, 27-i Mərakeş, 25-i Əlcəzair, 12-i Qana,  8-i Kenya və 3-ü Türkiyə vətəndaşıdır.  

Sentyabrın 25-də rəsmi açıqlama yayan Səudiyyə rəsmiləri hadisə zamanı 769 nəfərin həlak olduğunu, 934 nəfərin isə müxtəlif dərəcəli bədən xəsarətləri aldığını iddia edirdilər. Hadisə ilə bağlı Səudiyyənin başladığı istintaq hələ də davam edir.

“Associated Press” Səudiyyə tərəfin yüzlərlə insanın itkin düşməsini söyləməsi  faktına əsaslanaraq ölənlərin sayının qeyri-müəyyən şəkildə artacağı barədə xəbərdarlıq edir.-05D-