Rəsmi qəzetlər Soçidə Rusiya və Azərbaycan dövlət başçılarının görüşü, döyüş sambosu ilə bağlı yarışlara baxmaları ilə bağlı xəbərləri ilk səhifələrə çıxarıblar.
“Azadlıq” qəzeti Rusiya, Azərbaycan və Ermənistan dövlət başçılarının Soçi görüşünün ABŞ-ı mənfi mənada qıcıqlandırmasını önə çıxarıb.
İstintaq altında olan hüquq müdafiəçisi Leyla Yunus özü və həyat yoldaşı Arif Yunusun həbsdə öldürülə biləcəklərilə bağlı həyəcan təbili çalmasını nəzərə çatdırır.
REAL Hərəkatı və Müsavat Partiyası ölkədə siyasi məhbusların sayı ilə bağlı həbsdə olan hüquq müdafiəçiləri Leyla Yunus və Rəsul Cəfərovun siyasi məhbus siyahısını dəstəklədiklərini bildiriblər.
Avropada fəaliyyət göstərən Demokratik Azərbaycan Hərəkatı Azərbaycandakı son həbsləri pisləyən bəyanatla çıxış edib.
YAP-ın orqanı olan “Yeni Azərbaycan” qəzeti BBC-ni Azərbaycana qarşı təxribatda suçlayan məqalə ilə çıxış edib.
Qəzet ölkədəki son həbsləri pisləyən ölkənin islami qurumlarının, vətəndaş cəmiyyəti institutlarının, Polşa hökumətinin etirazlarını dərc edib.
ARDNŞ-nin Türkiyənin “Star” şirkətindəki payını satmasını ekspertlər Türkiyədə “Gülən camaatı” ilə Ərdoğan arasında savaşıla əlaqələndirirlər.
“Yeni Müsavat” qəzeti Rusiya, Azərbaycan və Ermənsitanın dövlət başçılarının Soçi görüşünü ön plana çəkərək onu “Qarabağ münaqişəsinin nizamlanmasına yönələn “Rusiya təşəbbüsü” kimi dəyərləndirir.
Vətəndaş cəmiyyəti institutları təmsilçilərinin həbslərinə etiraz olaraq və hüquqlarının müdafiəsilə bağlı siyasi partiyaların bir araya gəldiyini deyən KXCP sədri Mirmahmud Mirəlioğlu “indi növbə partiyalarındır” mesajını səsləndirib.
Soçi görüşü fonunda postsovet məkanındakı proseslərə təhlil verən ekspertlər Rusiyanın Avrasiya və Gömrük İttifaqı layihələrinin fiaskoya uğradığı qənaətini ifadə edirlər.
Qəzetin yazdığına görə, Olimpiya stadionuna yol çəkilşilə bağlı rəsmilər Dərnəgül yolunun kənarındakı obyektlərin bir həftə ərzinsə söküləcəyi barədə xəbərdarlıq ediblər.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz