![Mətbuat-Monitorinq 11.12.12](https://turan.az/resized/750/500/resize/media/2012/main/121100021016.jpg)
Mətbuat-Monitorinq 11.12.12
Bugünkü qəzetlərin əksəriyyəti Rusiyanın Qəbələ RLS-dən imtina etməsini günün mövzusuna çevirsələr də rəsmi qəzetlər Avropa Olimpiya Oyunlarının 2015-ci ildə Bakıda keçirilməsini əsas mövzuya döndəriblər.
“Azadlıq” qəzeti müxalifət qüvvələrinin 10 dekabr aksiyasını “Bakının mərkəzində möhtəşəm aksiya” adlandırır.
Yazıçı Əkrəm Əylisli iqtidarın vətəndaş mövqeli ziyalılara hücumuna “iqtidar əsl ziyalıları susdura bilməyəcək” bəyanatını səsləndirib.
İqtidarın müstəqil medianı cərimələr məngənəsində boğmaq istədiyini açıqlayan Media Hüququ İnstitutu bu qəzetlərə qarşı cərimə məbləğinin 4 milyon manatı ötdüyünü nəzərə çatdırır.
Rəsmi “Azərbaycan” qəzetini tərk edən iqtidar jurnalisti Xalid Niyazov iqtidarın əleyhinə açıqlamalar verməyə hazırlaşır.
ABŞ səfiri R.Morninqstarın müxalifətlə görüşündən narahat olan iqtidara səfir “öz vətəndaşlarının insan haqlarını qoruyan dövlətlərlə bizim əlaqələrimiz daha möhkəm olur” mesajını göndərib.
Qəzet Naxçıvan MTN-də müəmmalı şəkildə vəfat edən Turac Zeynalovun ailəsinə qarşı nazirliyin hazırladığı ləyaqətsizliyi “Naxçıvan MTN-in fiaskosu” adlandırır.
Səməd Pənahlı qardaşı Nemət Pənahlının məhbus olduğu həbsxanada məhbuslarla həbsxana rəhbərliyi arasında güclü qarşıdurmanın olması haqda açıqlama verib.
“Zerkalo” Rusiyanın Qəbələ RLS-dən imtina etməsini “Qəbələ RLS-in Rusiyaya xidməti dayandırması” kimi dəyərləndirir.
Müstəqil ekspertlər qeyd edirlər ki, ölkədə çirklilik dərəcəsinə görə ilk yeri Bakı, daha sonra Sumqayıt, Gəncə, Şirvan şəhərləri tutur.
“Ekspress”. Rusiyanın Qəbələ RLS-dən imtina etməsi haqda şərh verən ekspertlər bu faktın iki ölkə arasında münasibətlərə təsizriz ötüşməyəcəyini bildirirlər.
Şərti “milyarderlər ittifaqı”na daxil olan iş adamı İsgəndər Xəlilov Bakıda biznesinin təhlükə altına düşməsilə bağlı “heç kəs biznesimi əlimdən almayıb” açıqlamasını verib.
Avropa məhkəməsində Azərbaycanla bağlı 15 şikayətin icraatına başlanıb.
“Exo” İsrailin pilotsuz təyyarələrinin İranın nüvə obyektlərini izləməsi haqda bu ölkə mediasının yaydığı xəbərləri “İranın yenidən vəziyyəti gərginləşdirməsi” adlandırır.
Ölkədə daşınmaz əmlakın ancaq 5%-i sığortalanıb.
“Novoe Vremya” Azərabycanda insan haqlarının qorunmamasına, amma rəsmilərin bu haqda gen-bol danışmasına “insan haqlarını daim pozaraq bu haqda necə danışmaq olar? Ölkə iqtidarı məhz belə davranmağa vərdiş edib” mövqeyini bildirir.
“Bizim yol” Rusiyanın Qəbələ RLS-dən imtina etməsini “Bakının balans siyasətini Qərbin xeyrinə dəyişməsi” kimi dəyərləndirir.
Ürək və göz xəstəliyi olan gəncin hərbi xidmətə aparılması onun ölümünə səbəb olub.
“Yeni Müsavat” Rusiyanin Qəbələ RLS-dən imtina etməsini “Kremlin Azərbaycana sərt demarşı” adlandırır. Müsavat Partiyasının başqanı İsa Qəmbər isə faktı “Azərbaycanda Kremlin varlığına son qoyulması” kimi dəyərləndirib.
Masallı sakini rayon polis şöbəsinin həyətində Bakı sakini Mehriban Xudaverdiyevaya bıçaqla xəsarət yetirib.
Ombudsman Elmira Süleymanova əfv komissiyasının tərkibindən çıxarılıb.
-
- Bazarların icmalı
- 11 Dekabr 2012 07:15
-
- Siyasət
- 11 Dekabr 2012 11:04
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz