Mətbuat-Monitorinq 11.12.14

Rəsmi qəzetlər dövlət başçsı İlham Əliyevin Astara rayonunun Deqadi-Pəlikəş avtomobil yolunun tikintisi ilə bağlı 4,7 milyon manat ayırması ilə bağlı sərəncamının mətnini ilk səhifələrdə yerləşdiriblər.

   Bundan əlavə, bu qəzetlər mərhum dövlət başçısı Heydər Əliyevin vəfatının növbəti ildönümü ilə bağlı məqalələr dərc ediblər.

   “Azadlıq” qəzeti İsveç xarici işlər nazirinin tanınmış jurnalist Xədicə İsmayılın həbsini pislədiyini və rəsmi Bakıya öhdəliklərini xatırlatmasını ilk səhifəyə çıxarıb.

Qəzet 6 fəhlənin bir neçə aydır ki, maaşını ala bilməməsi səbəbilə intihar etmək cəhdini “kütləvi intihar cəhdi” kimi dəyərləndirir.

Yasamal Rayon Məhkəməsinin hakimi Sərdar Mehrəliyev vəkil Bəhruz Bayramovu “məhkəmə prosesinə qəsdən gəlməməkdə” suçlayaraq cəzalanması üçün Vəkillər Kollegiyasına şikayət edib.

 Qəzet vəkil Xalid Bağırova,  Elçin Namazova və digər vəkilllərə qarşı təzyiqləri “vəkillərə qarşı hücumların ikinci dalğası” adlandırır.

   Ekspertlər bu il büdcə kəsirinin 1 milyard dollardan çox olacağını bildirməklə hakimiyyəti “öz xərclərini azaltmağa” çağırırlar.

   Səfir Polad Bülbüloğlu Rusiyadakı Azərbaycan diasporunun fəaliyyətini tənqid edib. Qəzet bunu “səfirin Diaspora Komitəsi sədrini pis durumda qoyması” sayır.

  Xaçmaz Rayon İcra Hakimiyyətinin başçısı Şəmsəddin Xanbabayev rayonda 500 nəfərin vəhabi təriqətinə qoşulduğunu bildirir.

 Qəzet 258 azərbaycanlı müəllimin Türkiyə universitetlərində dərs deməsini ölkədə “təhsilə münasibətini “beyin axını”na səbəb olması” kimi dəyərləndirir.

 “Ekspress”  Türkiyə, Azəzrbaycan və Gürcüstan xarici işlər nazirlərinin Qars görüşü haqda xəbərləri önə çəkib. 

   Qəzet rüşvət faktına görə Hacıqabul rayon Talış kənd orta məktəbinin direktoru Mirsaleh Məmmədovun vəzifəsindən qovulduğunu bildirir.

 “Novoe Vremya”  Qərbin Rusiya qazından imtina etməsilə bağlı Qərbə qaz nəqlində Azərbaycanın önə çıxa bilməsinə “qabaqlayıcı rol oynamaq Azərbaycana lazımdırmı?” kimi sual ünvanlayır.

  Ölkədə gənclərlə bağlı dövlət proqramlarının əhəmiyyətsiz olmasını qəzet “gənclərsə xoş tale axtarışındadır” mövqeyilə diqqətə çatdırır.

  “Bizim yol” Bakıda 6 fəhlənin eyni vaxtda intihara əl atmalarını ilk səhifədə yerləşdirib.

  Rusiyadan Azərbaycana qayıdan azərbaycanlılar buna səbəb kimi “rublun ölməsini, qiymətin bahalaşmasını, əvvəlki kimi qazanmağın mümkün olmaması”nı göstərirlər.

   “Yeni Müsavat” İranla ABŞ arasında İŞİD-lə bağlı Bakıda “gizli anlaşma” əldə olunmasını ilk səhifəyə çəkib.

Ölkədə unun qiymətinin qalxdığını yazan qəzet bunu “böyük bahalaşmanın başlaması” kimi dəyərləndirir.

İnsan Haqları üzrə Birgə İşçi qrupun üzvləri dövlət başçısına əfv fərmanı verməsilə bağlı müraciət ünvanlayıblar.

Həbsdə olan müsavatçı Sirac Kərimovun hüquqlarını Müdafiə Komitəsi onun azad olunması ilə bağlı İnsan Halqarı üzrə Birgə İşçi qrupa müraciət ünvanlayıb.