Mətbuat-Monitorinq 11.12.15

Rəsmi qəzetlər dövlət başçısı İlham Əliyevin Çinə səfəri haqda xəbərləri ilk səhifələrdə yerləşdiriblər.

“Azadlıq” qəzeti ABŞ-ın “Global Financial İntegriti” təqdiqat təşkilatına isnadən  xaricə qanunsuz kapital çıxaran ölkələr sırasında Azərbaycanın 17-ci yerdə olduğunu, 2004-2013-cü illərdə ölkədən xaricə 95 milyard dollar pulun çıxarıldğını manjetə yerləşdirib.

Leyla və Arif Yunusların şərti azadlığa çıxmalarını ilk addım sayan ABŞ-ın Azərbaycan səfirliyi onların tibbi problemlərinin aradan qaldırılması ilə bağlı “yüksək keyfiyyətli tibb xidmətinin göstrərilməsi onları ədalətsiz mühakimə və məhbus edən hökumətin məsuliyyətidir” bəyanatını səsləndirib.  ABŞ-ın Azərbaycandakı keçmiş səfiri R.Kozlariç Leyla və Arif Yunusların şərti azad olunmaları ilə bağlı Vaşinqtondan rəsmi Bakıya tərif bəyanatına “bu, pis bəyanatdır, rejim Leylanı buraxır, Fuad Qəhrəmanlını tutur” mövqeyini ifadə edib.

AXCP sədrinin müavini Fuad Qəhrəmanlının həbsinə xarici medianın “ona qarşı irəli sürülən ittiham saxtadır” mövqeyi sərgiləməsi diqqətə çatdırılır.

AXCP sədri Əli Kərimli Venesuelada hakim rejimin seçkinu uduzması ilə bağlı  “bu nümunənun bütün avtoritar rejimlər üçün olacağına şübhə etməyin” deyib.

Ekspertlər “Günəşli” yatağı 10 saylı platformadakı faciəni təhlil edərək “nə yüksək ixtisaslı kadr, nə də təhlükəsizlik xidməti var imiş” şərhini verirlər.

Jurnalist Rasim Əliyevin ölümü ilə bağlı cinayət işi dekabrın 7-də başa çatıb, cinayət işinin 2016-ci ilin yanvar-fevral aylarında məhkəməyə göndərilməsi gözlənilir.

Ekspertlər neftin indiki ucuz qiymətdə qalacağı halda gələn il vergi yığımında, maaş və təqaüdün verilməsində ciddi problemlərin olacağı barədə xəbərdarlıq edirlər.  

“Ekspress”  Pekində Çinlə Azərbaycan arasında 10 sənədin imzalanmasını diqqət mərkəzinə çəkib.

Vaxtilə azərbaycanlıların İrəvanda tikdikləri “Göy məscid”in 99 il İrana icarəyə verilməsini qəzet “məscid oğurluğu” kimi dəyərləndirir.

“Exo”   2015-ci ildə Azərbaycanın 380 vətəndaşının qrin-kart qazanmasını “bu ul 380 vətəndaşın Amerika arzusunun ardınca getməsi” kimi ön plana çıxarıb.

Yerli ekspertlərə isnadən ölkə sakinlərinin istirahət günləri paytaxtın ticarət-əyləncə  mərkəzilərində təqribən 250 milyon manat  xərcləməsini qəzet “ticarət-əyləncə israfçılığı” kimi dəyərləndirir.

“Novoe Vremya”  2004-2013-cü illərdə  ölkədən 95 milyard dolların  qanunsuz çıxarılmasına “ölkədən kapital axınını dayandırmaq lazımdır” mövqeyini önə verib.

“Bizim yol”  2004-13-cü illərdə ölkədən 95 milyard dolların çıxarılmasını ilk səhifədə yerləşdirib.

Dünya neft bazarında təklifin tələbi 2 milyon bareli üstələdiyini deyən ekspertlər buna baxmayaraq, ərəblərin hasilatı artırmaqda davam etdiklərini nəzərə çatdırırlar.

“Yeni Müsavat” Türkiyənin Azərbaycan vasitəsilə xaricə əmtəə çıxarmaq “yolu”nu bağlamaq səylərini “Moskva-Ankara gərginlyinin Azərbaycana sıçraması” kimi dəyərləndirərək ilk səhifəyə çıxarıb.

Qəzetin iddiasına görə, rəsmi Bakı Standartlaşdırma Komitəsinin ləğvi üçün islahatlara başlayıb.

Ekspert Əkrəm Həsənovun vətəndaşların gəlirləri yaşayış minimumu həddində olsa bank borclarını ödəməməlidir bəyanatına ölkə bankları “banklara qərəz” sayıblar, ekspert isə “bunun əksini sübut edən qanun göstərsinlər” cavabı verib. 

Deputat Vahid Əhmədov 2016-cı ili iqtisadi-siyasi cəhətdən “təlatümli il” kimi dəyərləndirir.

Eks-prezident Ayaz Mütəllibovun mərhum həmkarı Əbülfəz Elçibəyi “primitiv millətçi” adlandırmasına, Kəlbəcəri düşmənə verməsi ittihamına müxalifət “sayıqlama, qoca yaşında yalan danışmaq, nakişilik” kimi cavablar veriblər.