Prezidentə çatmayan məktub

Dekabrın 2-də contact.az  saytında şəxsi evlərin icra hakimiyyəti orqanının icazəsini tələb etməyən məlumatlandırma sisteminə əsasən tikilməsi problemi haqqında araşdırma-məqalə dərc edilib (ünvan aşağıda).  Problemlə şəxsən özüm qarşılaşmışam və məsələnin araşdırılması məni belə bir nəticəyə gətirdi ki, əslində sadələşdirilmiş məlumatlandırma sistemi nəinki işləmir, əksinə, fərdi tikinti sahəsində korrupsiya üçün real şərait yaradır. Və təkcə fərdi tikintidə deyil. Bunun əsasları var və onlar növbəti məqalələrdə əksini tapacq.

Bu probelmin həlli üzrə bütün cəhdlər hələlik nəticə vermir, belə ki, “İnformasiya azadlığı haqqında” qanuna zidd olaraq, Nazirlər Kabineti, Bakı şəhəri və Pirallahı rayonu icra hakimiyyətləri informasiya sorğularına cavab vermir. Məqalə müəllifinə kömək etməyi vəd edən ombudsman Elmira Süleymanova da onlara təsir göstərə bilmədi (2010-cu ilin dekabrından ona vətəndaşların informasiya əldə etmək hüquqlarının pozulması ilə bağlı şikayətlərə baxmaq səlahiyyəti verilib). Hətta dövlət başçısı İlham Əliyevin adına Azərbaycan Prezident Administrasiyasına ünvanladığım məktubuma belə cavab almamışam.

Ola bilər ki, məktub çatmayıb və buna görə problemin və tikintinin, eyni zamanda informasiya əldə etməyin ictimai əhəmiyyətini nəzərə alaraq, məktubu dərc etmək qərarına gəldim.

http://contact.az/docs/2015/Want%20to%20Say/120200138452az.htm#.VmmALUqLQdU

Azərbaycan Respublikasının Prezidenti

cənab İlham Əliyevə

Hörmətli,cənab Prezident

Sizə “Məlumatlandırma icraatı icra hakimiyyətinin interpretasiyasında” məqaləsini   təqdim edirəm. Məqalə Azərbaycan Respublikası Şəhərsalma  və Tikinti Məcəlləsinin şəxsi tikililərin inşası zamanı məlumatlandırma  icraatına aiddir.

Məqalədə bürokratiya, korrupsiya, süründürməçilik, sui-istifadə, vətəndaşların hüquqlarının pozulmasına şərait yaradan problemlər sadalanır.

Mən problemlərin araşdırılması zamanı induktiv araşdırma metodundan istifadə etmişəm ki, bu, xüsusidən ümumiyə qədər mülahizələri nəzərdə tutur.

Xahiş edirəm ki, məqalədə deyilənləri mənim şəxsi problemim kimi qəbul etməyəsiniz. Azərbaycan şəraitində mən şəxsi məsələ ilə bağlı razılığa gələ bilərəm, üstəlik, qarşı tərəfin belə bir təşəbbüsü olub.

Mənim qaldırdığım məsələ cəmiyyətin və dövlətin maraqlarına, qərarların qəbulu və həyata keçirilməsi mexanizminin sadələşdirilməsi haqqında sizin son təşəbbüsünüzə birbaşa toxunur.

Ümid edirəm ki, mənim gəldiyim nəticə və irəli sürdüyüm təkliflər bürokratiyanın dərəcəsinin azaldılması və şəffaflığın səviyyəsinin artırılması üzrə Sizin son təşəbbüslərinizin həyata keçirilməsində faydalı ola bilər. 

Hörmətlə, Mehman Əliyev, Turan İnformasiya Agentliyinin direktoru