![Mətbuat-Monitorinq 12.05.15](https://turan.az/resized/750/500/resize/media/2015/main/051200115630.jpg)
Mətbuat-Monitorinq 12.05.15
“Azadlıq” qəzeti Beynəlxalq Banka borclu olduqlarına ğörə 70 nəfərə yaxın iş adamının həbsə alınmasını manjetə çıxararaq bu hadqa “bandotdel”ə xüsusi əməliyyatın həvalə edildiyini bildirir.
Milli Şura araşdırmaçı jurnalist Xədicə İsmayılın həbsilə bağlı bəyanat yayaraq bu həbsı “hakimiyyətin kütləvi beynəlxalq tənqidə görə X.İsmayıldan hayıf çıxması” kimi dəyərləndirir.
Azərbaycandakı siyasi repressiyaların Almaniya Bundestaqında müzakirəyə çıxarıldığını yazan qəzet sənədin qətnaməsində “Əliyevlərin hakimiyyətdə olduğu illər ərzində ədalətli seçkilərin olmaması”na diqqət çəkilir.
Qəzet qeyd edir ki, siyasi fəal gənclər həmyaşıdlarına Milli Şuranın mayın 17-də “Talana son!” şüarı altında keçirilməsi nəzərdə tutulan mitinqə kütləvi şəkildə qatılmaq çağırışı ediblər.
Hökumətyönlü deputat Qüdrət Həsənquliyev rəsmi Bakının müxalifətə qarşı sərt və radikal mövqe siyasətini tənqid edib.
İmişlidə iş adamı Abdulbari Gözələ aid şəkər zavodunun bir qrup əməkdaşı qanunsuz işdən azad edilmələrinə etiraz olaraq kütləvi intihar edəcəkləri haqda PA-ya məktub göndəriblər.
Taksiləri “Avropa oyunları olacaq” deyə yol polislərinin metronun “Neftçilər” stansiyası yaxınlığında saxlamağa imkan vermədikləri üçün sürücülər etiraz aksiyası keçirəcəklərini bəyan ediblər.
Ekspertlər Konstitusiya Məhkəməsinin dollarla götürülən kreditlərin manatın bu il fevralın 21-nə olan məzənnəsilə qaytarılması haqda qəbul edəcəyi qərarı bank sektorunun “bata bilməsi” kimi dəyərləndirirlər.
“Yeni Müsavat” qəzeti Azərbaycana yaxınlaşdığına görə, ABŞ-ın Yunanıstan səfirini geri çağırmasını, Makedoniya prezidentinin istefası tələblərini önə çəkərək bunu “ABŞ-ın “türk axınını durdurmaq” səyləri sayır.
Qəzet “Bayraq Meydanı” İdarəsinin keçmiş rəisi, “Azimport” şirkətinin sahibi Rəşad Məmmədovla birgə daha bir neçə nəfərin həbsə alınmasını nəzərə çatdırır.
Beynəlxalq qurumların müdafiə etməsinə baxmayaraq, tanınmış hüquq müdafiəçisi Leyla Yunusun hələ də həbsdə qalmasını ekspertlər “rəsmi Bakının dirəniş” göstərməsinin nəticəsi kimi qiymətləndiriblər.
Rusiya generalı Patruşevin Azərbaycana səfəri fonunda qəzetə açıqlama verən ekspertlər “RF rəsmilərinin Azərbaycan səfərlərindən müsbət heç nə gözləmədiklərini” söyləyiblər.
Devalvasiyanın ilin sonyuna kimi davamlı olacağı barədə xəbərdarlıq edən ekspertlər dolların bahalaşması, İranın neft-qaz sahəsinə girməsi ilə artıq rəsmi Bakının spekulyasiyalarının da qiymətə təsir etməyəcəyini nəzərə çatdırırlar.
-
- Siyasət
- 12 May 2015 12:52
-
- İqtisadiyyat
- 12 May 2015 13:20
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz