Rəsmi qəzetlər Avropa Oyunları ilə bağlı Serbiya prezidentinin Azərbaycana səfəri haqda xəbərləri ilk səhifələrdə yerləşdiriblər. Bundan əlavə, bu qəzetlər demək olar ki, səhifələrinin əksəriyyətini Avropa Oyunlarının təbliğinə ayırıblar.
“Azadlıq” qəzeti yüksək kredit faizlərinin ölkədəki Əliyevlərə məxsus bankları varlandırdığını yazaraq bu haqda araşdırma olduğunu manjetə çıxarıb.
Avropa Oyunları ilə bağlı bəyanat yayan Milli Şuraya görə böyük xərclərə başa gələn oyunların arxasında Əliyevlərin ölkəni “otruşmuş monarxiya”ya çevirmək istəyi durur.
“Associated Press” aeroportdan Bakıya gələn yolun kənarlarının hasarlanmasına rəsmi Bakının “ölkədəki yoxsulluğu pərdələmək səyləri” şərhini verir.
Human Rights Watch təşkilatı Avropa Olimpiya Komitəsini “Azərbaycanda həbsdə olan jurnalist və siyasi fəalları güdaza verməsi” kimi dəyərləndirir.
Qəzet beynəlxalq qurumların siyasi məhbuslara azadlıq səylərinə cavab olaraq bu qurumların Bakıdakı ofisləri önündə rəsmi Bakının göstərişilə təşkil edilən etiraz aksiyalarını qəzet “cılız təfəkkürün göstəricisi” kimi dəyərləndirir.
“Ekspress” Azərbaycanla Qərb arasındakı gərginliyə toxunaraq buna görə ABŞ diplomatiyasının günahkar olması mövqeyini onə çəkib.
“Exo” politoloqlara isnadən beynəlxalq qurumlarn Azərbaycana olan tələblərini və bundan irəli gələn təzyiqləri “Azərbaycanın müstəqil siyasi kursunun bəzi dairələri qıcıqlandırması” kimi dəyərləndirir.
“Novoe Vremya” Ali Məhkəmə rəhbərliyinin hakimləri ədalətsizliyə görə tənqid etməsinə “hüquqi ədalət nə zaman başlar?” mövqeyini diqqət mərkəzinə çəkib.
“Bizim yol” əhalinin dollarla götürdüyü krediti ödəyə bilmədiklərini önə çəkərək Mərkəzi Bankın statistikasına isnadən bu sahədə durumun “fəlakət həddində olduğunu” bildirir.
“Yeni Müsavat” Beynəlxalq Bankda “kredit” adı ilə götürülən pulların Dubayda poladəritmə biznesinə qoyulduğunun aşkara çıxmasını ilk səhifəyə çəkib.
Qəzet iyunun 6-da Xələcdəki 5 saylı həbsxanada üsyan olması, Ombudsman aparatı əməkdaşlarının bu haqda araşdırma apardıqlarını, amma indiyə kimi cəmiyyətə məlumat vermədiklərini nəzərə çatdırır.
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz