Mətbuat-Monitorinq 12.07.14

Rəsmi qəzetlər dövlət siyasətini müxtəlif aspektlərdən tərif edir, bəzi imzalanmış fərmanların, sərəncamların mətnlərini dərc ediblər.

“Azadlıq” qəzeti bu günlərdə Nazirlər Kabinetində keçirdiyi iclasda dövlət başçısı İlham Əliyevin bankların fəaliyyətilə bağlı firkirlərini “İ.Əliyevin oliqarxların pullarını nəzarətə götürməsi” sayaraq ilk plana çıxarıb.

Hüquq müdafiəçisi Leyla Yunusun məruz qaldığı təqiblərdən yazan Almaniyanın “Neues-Deutsshland” nəşri onu rəsmi Bakının “girovu” adlandırır.

Jurnalistlərin həbs olunması sayına görə Azərbaycan ATƏT-ə üzv ölkələr sırasında birinci yerdədir.

Ekspertlərin fikrincə, rəqabətin olmaması, rüşvət və gizli iqtisadiyyat Bakını bahalı şəhərlər sırasına gətirib.

Bankları real iqtisadiyyata sərmayə qoymadıqlarına görə dövlət başçısı İlham Əliyevin tənqidə məruz qoymasına ekspertlər “bankların real iqtisadiyyata sərmayə yatırmaları üçün ölkədə münbit şərait olmalıdır” şərhini veriblər.

Qəzet iyulun 12-də I və IV qruplar üzrə abituriyentlərin imtahan verəcəklərini bildirir.

“Ekspress”  Ukraynada Rusiya tərəfdarlarının girov götürdükləri azərbaycanlını işgəncə ilə qətlə yetirmələrini ilk səhifəyə çıxarıb.

Bu günlərdə Nazirlər Kabinetindəki iclasda dövlət başçısı İlham Əliyevin banklara sərt irad tutmasına ekspertlər “bank sektorunda ciddi islahatların vaxtının çatması” şərhini veriblər.

“Novoe Vremya” Qarabağ münaqişəsinin tənzimlənməsi üçün Azərbaycan və Ermənistan dövlət başçılarının növbəti görüşünə etinasız yanaşaraq “hamı bizim əlimizdədir və qayıtmaq üçün kimdənsə icazə alınmalı deyil” mövqeyini sərgiləyib. 

ATƏT-ə üzv ölkələr sırasında jurnalistlərin həbsinin sayına görə Azərbaycanın ilk yeri tutmasına qəzet ironik “Azərbaycan-həbs edilən jurnalısitlərin sayına görə ATƏT çempionu” tənəsi ifadə edib.

“Bizim yol”  “Odlar Yurdu” Universitetinin rektoru Əhməd Vəliyevin ölkədə normal məktəb olmadığı üçün nəvələrini Londonda oxutması haqda açıqlamasını “rektor-deputatdan sensasiyalı açıqlama” kimi dəyərləndirir.

Tələbə Qəbulu üzrə Dövlət Komissiyasının sədri Məleykə Abbaszadə buraxılış imtahanlarında aşağı nəticə göstərilməsinə “buraxılış imtahanlarının nəticələri çox qorxuludur” qarşılığını verib.

“Yeni Müsavat” Ermənistan parlament sədrinin İsrailə gizli səfərə getdiyini iddia edən qəzet bunu “Bakıya qarşı erməni-yəhudi separat birliyi” kimi dəyərləndirir.

“Qarant Sığorta”nın İdarə Heyətinin xanım üzvü  qətlə yetirilib. 

Bir zamanlar müstəqil Azərbaycan hakimiyyətində yüksək yer tutan, indi SSRİ-nin xiffətini çəkdiyini edən Abbas Abbasova müxalifət qüvvələrindən ciddi təpkilər gəlib.

İngiltərənin “The Daily Mail” qəzetinin rəsmi Bakı haqda sərt məqalə ilə çıxış etməsinə toxunan qəzet iqtidarın yerli qəzetləri susdurması fonunda “Bakı Britaniya mətbuatını niyə susdura bilmir?” sualını gündəmə gətirir.