12 saylı koloniyanın dustağı Ceyhun Hüseynov işğəncələr nəticəsində ölüm ayağındadır. Bu, koloniya administrasiyasından prezident İlham Əliyevə şikayət etdikdən sonra baş verib.
“Siyasi Məhbuslarsız Azərbaycan” Alyansının dustağın həyat yoldaşına istinadən verdiyi məlumata görə, C.Hüseynov məhbusların İ.Əliyevə müraciətini imzalayanlardan biridir. Müraciətdə dövlət başçısından koloniyaya gələrək administrasiyanın özbaşınalığı ilə bağlı tədbir görməsi xahiş olunur.
Müraciətdə deyilr ki, koloniyanın rəisi Rauf Məmmədov, onun müavini Qaçay Aslanov və Babək İsgəndərov penitensiar müəssisəni bazara çeviriblər. Burada korrupsiya, rüşvətxorluq, özbaşınalıq hökm sürür, narkoticarət, işğəncələr baş alıp gedir.
“Koloniyada imkanlı dustaqlar üçün əlverişl şərait yaradılır, kasıblar sə alçaldılır”, -müraciətdə bildirilib.
Müraciət dərc edildikdən sonra koloniya rəhbərliyi müəlliflərə təzyiq göstərərək onları öz imzalarından imtina etməyə məcbur ediblər.
Bundan sonra C.Hüseynovu möhkəm döyüblər, bir neçə gündən sonra karserə salıblar. Vəziyyəti ağırdır.
Koloniyalardakı özbaşınalığı və korrupsiyanı araşdırmaq əvəzinə Penitensiar Xidmət şikayətçiləri susmağa məcbur edir, dezinformasiya ilə məşğul olur.—06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz