![Müxalifətçini cərimələyiblər, taksi sürücüsünü həbs ediblər (YENİLƏNİB)](https://turan.az/resized/media/2014/main/071100083944-750-500-resize.webp)
Müxalifətçini cərimələyiblər, taksi sürücüsünü həbs ediblər (YENİLƏNİB)
Məhkəmənin qərarı ilə Yusif Namazoğlu 200 manat cərimələnib. Y.Namazoğlunun saxlanılarkən öz yüklərini qoyduğu taksinin sürücüsü Samir Mustafayev üçgünlüyə həbs edilib. Y.Namazoğlunun sözlərinə görə, əvvəlcə S.Mustafayevin müxalifətçinin oğlu olduğunu düşünüblər və bu səbəbdən həbs ediblər. Ancaq sonradan bunun belə olmadığını biləndə yenə də buraxmayıblar. –0--
2014 İyul 11 (Cümə) 15:50:52
Müsavat Partiyası Goranboy rayon təşkilatının sədri Yusif Namazoğlu Ağcakənddə Xocalı rayon Polis Şöbəsinin əməkdaşı tərəfindən saxlanıb. O, hazırda polisdə izahat verir.
Namazoğlu Turan-a bildirib ki, həyat yoldaşı ilə birgə taksidə getdiyi zaman taksini yol polisi Rövşən Əkbərov saxlayıb. “Polis taksi sürücüsünün sənədlərinin düzgün olmadığını bildirib və bizim polisə getməli olduğumuzu deyib. O, ağır söyüşlərlə bizi təhqir edirdi və mən avtomobilin salonunda qadın olduğunu onun diqqətinə çatdırdım. Xahiş etdim ki, söyüş söyməsin və sürücü bizim əşyaları mənzil başına aparıb sonra polisə gəlsin. Bu zaman Rövşən Əkbərov mənə hücum çəkdi. O, bizi vurduğu halda polisə və prokurorluğa guya bizim ona tabe olmadığımız barədə məlumat verdi. Sonra bizi yol polisinə apardı. Onun otağına daxil olan kimi dərhal masasının üzərindəki sənədləri dağıtdı, yaxasının düymələrini açdı ki, guya biz ona təzyiq etmişik. İndi sahə müvəkkilinin yanında izahat verirəm”, deyə o Turan-a bildirib.
Y.Namazoğlu barələrində hansı tədbir görüləcəyindən xəbərsizdir. “Hazırda izahat verirəm və barəmizdə hansı tədbir görüləcəyini bilmirəm”, deyə o telefonla bildirib.
Namazoğlu güman edir ki, onu məhkəməyə aparacaqlar. -03B-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz