Mətbuat-Monitorinq 12.08.14

Rəsmi qəzetlər dövlət başçısı İlham Əliyevin Soçi görüşü, Tqrkiyə baş naziri Ərdoğanı prezident seçilməsi münasibətilə təbrik etməsi, Binəqədi rayonundakı 115 saylı məktəbdə olması haqda xəbərləri ön plana çəkiblər.

“Azadlıq” qəzeti Soçidəki üçtərəfli Rusiya, Azərbaycan Ermənistan dövlət başçılarının görüşündə Qarabağa münaqişəsilə bağlı razılıq əldə olunmamasını önə çəkərək bunu  daha bir uğursuz Qarabağ görüşü, və iqtidardakı ruspərəstlərin “pərt duruma” düşmələri adlandırır.

Azərbaycanda insan hüquqları müdafiəçilərinin həbslərinə görə rəsmi Varşva 

Bakını kəskin tənqidə məruz qoyub, rəsmi Bakının buna təhqiramiz cavabını qəzet iqtidarın Polşaya “müharibə açması” kimi dəyərləndirir.

Sabirabad rayon polis əməkdaşları “Azadlıq” qəzetinin əməkdaşı Natiq Ədilovun ata evinə basqın edərək qardaşı Murad Ədilovu saxlayıaraq, naməlum istiqamətə aparıblar.

Milli Şura sədri Cəmil Həsənli son zamanlardakı kütləvi həbsləri “iqtidarın Stalin Rusiyasındakı üsulardan istifadə etməsi” kimi qiymətləndirib.

Digər tərəfdən qəzet bu həbsləri vətəndaş cəmiyyəti institutrlarının fəaliyyəti önündə “Əliyevin arqumentini qalmaması, gücsüzlüyünü göstərməsi” sayır.

“Ekspress” qəzeti Azərbaycan müdafiə nazirliyinin “Ermənistandakı istəınilən obyekti dağıtmağa qadir olması haqda” bəyanatını ilk səhifəyə çıxarıb.

Azərbaycanda hüquq müdafiəçilərinin həbsinə etiraz olaraq Polşa XİN-in bəyanat yaymasını rəsmi Bakı daxili işlərə “yersiz müdaxilə” sayıb.

Şeyxülislam Allahşükür Paşazadə Erməni katalikosu II Qareginin atəşkəsin qorunması məktubuna bunun üçün “Ermənistanın işğal etdiyi Azərbaycan ərazilərindən qoşunlarını çıxarması” cavabı verib.

“Novoe Vremya” qəzeti Qarabağ münaqişəsinin tənizmlənməsilə bağlı bu günlərdə Soçidə keşirilmiş Rusiya, Azərbaycan, Ermənistan dövlət başçılarının görüşünü  RF prezidneti V.Putinin “xeyirxah, amma asan olmayan missiyanı öz üzərinə götürməsi” kimi dəyərləndirir.

“Bizim yol” qəzeti Qarabağ müanqişəsinin tənizmlənməsilə bağlı üçtərəfli Rusiya, Azərbaycan və Ermənistan dövlət başçılarının Soşo görüşünü önə çəkərək bunu “nəticəsiz görüş” adlandırır.

Qəzet 2009-cu ildə Avstriyada Azərbaycan manatının çap olunması ilə bağlı rüşvət faktını önə çəkərək ekspetlərə isnadən “Elman Rüstəmov skandalı ilə bağlı həbslərin başlayacağı” münasibəti ifadə edir.

2013-vü ildə ölkədə 9 min vətəndaşda ilk dəfə olaraq xərçəng xəstəliyi aşkar olunduğunu yazan qəzet bunu “ölkədə xərçəngin sürətlə yayılması” sayır.

“Yeni Müsavat” qəzeti Qarabağ cəbhəsinə münasibətdə ölkənin hərbi duruma yaxın olduğunu ilk səhifəyə çıxararaq “müharibə necə, olacaqmı?” sualını gündəmə gətirir.

Qəzet yazır ki, Avropa Şurasını baş katibi T.Yanqland Azərbaycanda hüquq  müdafiəçilərinin həbsilə bağlı Əliyevlə danışdığını, hüquq müdafiəsi sahəsində əvvəllər fəaliyyət göstərən işçi qrupun bərpası ilə bağlı razılığa gəlindiyini deyib.

Tanınmış vəkil Ənnağı Hacıbəyli son həbsləri tənqidçi QHT-lərin sıradan çıxarılması kimi dəyərləndirib.

Siyasi ekspertlər ölkədə vətəndaş cəmiyyəti institutları təmsilçilərinin həbslərinin avqustun sonuna kimi davam edəcəyi proqnozu veriblər.

Qarabağ münaqişəsinin tənzimlənməsilə bağlı bü günlərdə keçirilmiş Soçi görüşünü müxalif siyasətçilər Rutinin itmiş nüfuzunu bərpa etmək istəməsi, siyasi oyunbazlıq adlandırıblar.