Mətbuat-Monitorinq 12.12.12
Rəsmi qəzetlər dövlət başçısının qəbulları haqda, mərhum dövlət başçısı Heydər Əliyevin vəfatının növbəti ildönümü ilə bağlı yazıblar. Ölkənin müdafiə sənayesi işçilərinin dövlət mükafatları ilə təltif olunmalarına dair sərəncamların mətnlərini dərc ediblər.
“Azadlıq” qəzetiPA rəhbəri Ramiz Mehdiyevin YAP-dan çıxardığı məşhurları onun üzərinə qaldırmaq planı haqda yazaraq bunu “R.Mehdiyevə yeni cəbhə” adlandırır.
Deputat Zeynəb Xanlarova rəsmi Bakını gənc müsavatçı Nigar Yaqublunun barəsində həbs qətimkan tədbirinin dəyişdirilməsinə çağırb.
ABŞ dövlət katibinin köməkçisi ilə müxalifətin görüşündə prezident seçkiləri ciddi müzakirə olunub.
Rusiyanın imtina etdiyi Qəbələ RLS-i nazir Kəmaləddin Heydərov sökəcək, bununla bağlı komissiya yaradılır.
“Zerkalo” Qəbələ RLS-lə bağlı rəsmi Bakı ilə Kreml arasında anlaşmanın yaranmaması və Rusiyanın stansiyadan imtina etməsi ilə əlaqədar “Rus təxribatlarına hazır olmaq və tarixin dərslərini unutmamaq” barədə xəbərdarlıq edir.
“Ekspress” ekspertlərə istinadən ötən müddət ərzində təhlükəsizlik və müdafiə sektorunun 93 nəfər itki verdiyini, itkilərin ancaq 15 nəfərinin döyüş, qalanlarının qeyri-döyüş itkiləri olduğunu bildirir.
“Exo” son 3 ildə 500 nəfər vətəndaşın mənzil tikintisi adı ilə tikinti şirkətləri tərəfindən aldadılmasına baxmayaraq, ekspertlərə istinadən bu bazarın 95% fırıldaqçılardan təmizləndiyini iddia edir.
“Novoe Vremya” ABŞ dövlət katibinin Bakıda səfərdə olan köməkçisi Tomas Melianın ölkədə insan haqlarının durumu ilə bağlı əsaslı bəyanatlar səsləndirməsinə “köməkçinin sözlərinin ardınca əməli olacaqmı?” sualını gündəmə gətirib.
“Bizim yol” İranla gediş-gəlişə dair memorandumun ləğv olunmasını “iqtidarın ölkənin bütün sərhədlərini qapatması” kimi dəyərləndirir.
Qəzet ancaq iqtidara loyal olan QHT-lərin qeydiyyata alınmasına diqqət çəkərək bunu “Ədliyyə Nazilriyinin QHT-lərə tabu qoyması” adlandırır.
Qəzet 9 jurnalistin həbsilə Azərbaycanın dünyanın ilk 10 ölkəsı sırasında olmasına ironik “ilk 10 ölkə sırasındayıq” mövqeyini ifadə edir.
“Yeni Müsavat”. Rusiyanın imtina etdiyi Qəbələ RLS söküləcək, ərazi nazir Kəmaləddin Heydərovun nəzarətinə keçəcək. Qəzet bunu “Heydərov biznesinə böyük imkanlar” adlandırır.
Qəzet İranla vizasız gediş-gəlişin ləğvini “tibb mafiyası və məmur oliqraxların ucuz müalicə və ərzaq üçün İrana gedişinin qarşısını alması” adlandırır.
2015-ci il Avropa Olimpiadasının Bakıda keçirilməsini ekspertlər “ölkənin orta Avropa göstəricisindən 10-15 dəfə artıq mənasız yerə pul xərcələmək tədbiri” sayır.
-
- İqtisadiyyat
- 12 Dekabr 2012 10:54
-
- Mədəniyyət
- 12 Dekabr 2012 11:35
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz