Chirag oil project çərçivəsində işlərin 83%-i görülüb

Bu gün üçün Chirag Oil Project (“Qərbi Çıraq”da hasilat platforması tikintisi, COP) layihəsi çərçivəsində işlərin 83%-i görülüb. Bu barədə dünən jurnalistlərlə söhbətində COP layihəsinin yerüstü obyektlər üzrə rəhbəri, ВР təmsilçisi İlqar Məmmədov məlumat verib. 

Onun sözlərinə görə, Azərbaycan tarixində ilk dəfə üst hissəslər də daxil bu cür platforma Bakıda tikilib. "Çətin elementlərdən biri qazma qurğusunun tikintisi idi. Amma bu çətin iş yerli şəraitdə uğurla başa çatdırılıb", - deyə ВР təmsilçisi məlumat verib. 

İlqar Məmmədov deyib ki, “Qərbi Çıraq” platformasının dayaq bloku 2013-cü ilin I rübündə daimi iş yerinə çatdırılacaq. Blok oktyabrda barjaya yüklənib, amma hələ dənizə aparılmır, çünki “Dədə Qorqud” qurğusundan platforma qurulacaq yerdə (dənizin dərinliyi 170 metr) qazma işi aparılır. 

Platforma elə layihələndirilib ki, ondan 48 quyu qazmaq olar. O, istismara veriləndən (2013-cü ilin IV rübü) AÇG üzrə bütün kontrakt müddətində (2024-cü ilin sonu) burada 300 mln neft çıxarmaq nəzərdə tutulur. 

*Chirag Oil Project 6 martda təsdiq edilib və 2010-cu ilin iyununda başlayıb. Ümumi qiyməti $6 mlrd-dır. Bunun $2 mlrd-ı quyu qazılması, sualtı infrastruktur yaradılması və s. üçün ayrılıb. 

AÇG-nin iştirakçıları bunlardır: BP (operator- 35,78%), ARDNŞ (11,65%), Chevron (11,27%), Inpex (10,96%), Statoil (8,56%), ExxonMobil (8%), TPAO (6,75%), Itochu (4,3%) və Hess (2,7%). --12С—