Mətbuat-monitorinq 13.02.15

Rəsmi qəzetlər dövlət başçısı İlham Əliyevin Bakıda Cənub qaz dəhlizi Məşvərət Şurası çərçivəsində nazirlərin görüşündə işitarkı, bəzi görüşləri haqda xəbərləri, Səfərbərlik və Hərbi xidmətə çağırış üzrə xidmətin bir qrup əməkdaşına hərbi rütbələr verilməsi haqda sərəncamın mətnini ilk səhifələrdə yerləşdiriblər.

“Azadlıq” qəzeti nəqliyyat nazir Ziya Məmmədova aid olduğu iddia edilən şirkətlərin layihələri tendersiz udmalarının dövlət vəsaitlərini səmərəsiz istifadə etməyə yol açmasını “nazirin yollara “səpdiyi” milyardlar mövqeyilə ön sıraya çıxarıb.

Qəzet yazır ki, İsveçrə telekanalında RATİ rəhbəri Emin Hüseynovun bu ölkənin Bakıdakı səfirliyinə sığınması haqda verilişdən sonra rəsmi Bakı QHT rəhbərini həbs etməkdə israrını gücləndirib. Qəzet “Sərhədsiz Reportyorlar” təşkilatının açıqladığı mətbuat azadlığı səviyyəsi indeksinə görə Azərbaycan 180 ölkə arasında 162-ci yeri tutur. ABŞ-ın “Foreign Policy” jurnalı Azərbaycandakı repressiaya və RATİ rəhbəri Emim Hüseynin başına gələnlər haqda dərc etdiyi məqaləni ABŞ-la Azərbaycan arasında “soyuq müharibə”nin başlanması kimi dəyərləndirir.

ABŞ-ın Azərbaycanda keçmiş səfri R.Kozlariç Azərbaycana qarşı sanksiyaları mümkün saysa da, əsas diqqəti ədalətsiz həbs edilənlərin azadlığa çıxmalarına cəmləməyi daha vacib sayıb. 

“Ekspress” qəzeti PA-nın şöbə müdiri Əli Həsənova isnadən ABŞ-la Azərbaycan arasında gərginlik olmadığı, bəzi dairələrin bu münasibətləri gərginləşdrməyə çalışdığı bəyanatını diqqət mərkəzinə çəkib.

Azərbaycanda ali məktəblər üzrə V ixtisas qrupu yaradılıb, bu qrupa xüsusi qabiliyyət tələb edən ixtisaslar daxil edilib.

 Vətəndaşları işlə təmin etmək adı ilə əslində dələduzluq edən və yüzlərlər vətəndaşdan 800-1000 manat arasında pul toplayan “T-group”dakı 3 fırıldaqçı qadın həbs edilib.

“Exo” qəzeti  Rusiya qəzetlərinin Azərbaycan sülhü müdafiə qüvvələrinin Ukraynaya gedəcəkləri haqda yaydıqları infromasiya ilə bağlı “Ruisya KİV-lərinin bu sensasion məlumatının arxasında nə dayanır?” sualını önə çıxarıb.

“Novoe Vremya” qəzeti Rusiya ilə münasibətlərin pisləşməsindən sonra Azərbaycanın Avropa üçün yeganə qaz nəqli magistralı olmasına “Azərbaycan qazı hamıya çatacaqmı?” sualını gündəmə gətirir.

“Bizim yol” qəzeti Minsk danışıqlarının nəticələrinə əsasən Ukraynada hərbi əməliyyatların dayandırıldığını ilk səhifədə yerləşdirib.

Qəzet neftin qiymətinin ucuzlaşmasının ölkənin iri ticarət mərkəzlərində alveri zəiflətdiyini, ticarətçilərin obyektləri boşaltmağa başladılqarını yazır.

“Yeni Müsavat” qəzeti Ukrayna məsələsilə bağlı Minskdə Almaniya, Fransa, Ukrayna, Belarus və Rusiya dövlət başçılarının 17 saat davam edən danışıqlarını önə çəkib və danışıqların nəticələrinə əsasən, fevralın 15-dən Ukraynada hərbi əməliyyatlar dayandırılacağı qeyd edilir. 

Qəzet Biləsuvar gömrüyünün rəisi Samir Kazımovun vətəndaşlara kobud davranışda, onları təhqirə məruz qoymaqda ittiham edir.

Həbsdə uşaq dünyaya gətirməsilə ölkə mətbuatının gündəmini zəbt edən “Lamiyə işi”lə bağlı yazan qəzet keçirilməsi bu gün gözlənilən məhkəmə prosesində onun azadlığa buraxılmasını da istisna etmir.