Rəsmi qəzetlər dövlət başçısı İlham Əliyevin qəbulları haqda xəbərləri ilk səhifələrə çıxarıblar.
“Azadlıq” qəzeti metro keçidlərində ticarətin qadağan edilməsinə etiraz olaraq aksiya keçirən ticarətçilərə polis divan tutsa da yeni aksiyaların keçiriləcəyi barədə xəbəri manjetə çıxarıb.
ABŞ rəsmilərilə danışıqlara görə prokurorluqda dindirilən jurnalsit Xədicə İsmayıla müstəntiq “onlar haranın itidir ki, onlara ölkənin problemlərindən danışırsınız?” təhqiramiz sualı ünvanlayıb.
Son 5 ildə ölkədə vəhabi təriqətindən olanların sayının 70 min nəfərə çatdığını bəyan edən ekspertlər bunu dövlətçilik üçün ciddi təhlükə adlandırırlar.
Ekspertlər ölkədəki ictimai-siyasi duruma “heç bir hakimiyyətin, eləcə də Azərbaycan iqtidarının Ukrayna hadisələrindən slğortalanmadığı” şərhini veriblər.
Qəzet son iki ayda baş verən 336 yol qəzalarında 147 nəfərin həlak olduğunu nəzərə çatdırır.
“Ekspress” metro keçidlərində ticarət köşklərinin martın 27-dən sökülməyə başlayacağını nəzərə şatdırır.
Mədəniyyət və turizm naziri Əbülfəz Qarayev lisenziyası olmayan otellərin 2015-ci il Avropa Olimpiya oyunları zamanı idmançı və turistləri qəbul edə bilməyəcəklərini bəyan edib.
“Exo” ekspertlərə istinadən ərazisində 200-dən çox tarixi abidə olan Bakının “Sovetski” məhəlləsinin sökülməsini yolverilməz adlandırır.
Qəzet ekspertlərin şərhlərinə istinadən ölkədəki iş yerlərinin 80%-də hətta minimal əmək şəraitinin belə yaradılmadığını nəzərə çatdırır.
“Bizim yol” metro keçidlərindəki ticarət köşklərinin ləvğ ediləcəyinin əvəzində ticarətçilərə iş yeri və ya kompensasiya ödənilməsinin nəzərdə tutulmadığını bildirir.
“Yeni Müsavat” metronun yeni rəhbərliyinin metro keçidlərindəki ticarət nöqtələrini yenidən öz maraqlarına uyğun qura bilmək üçün indiki ticarət şəbəkəsini dağıtması xəbərini ilk plana çəkir.
Metro ticarətçilərinin, sürücülərin keçirdikləri aksiyaları, sosial şəbəkələrdə “Azadlıq” meydanına mitinq təyin olunması, “Binə” ticarətçilərinin aksiyalara hazırlaşması xəbərlərini qəzet “ölkəni etiraz aksiyalarının bürüməsi” kimi dəyərləndirir.
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz