Mətbuat-Monitorinq 13..05.15

Rəsmi qəzetlər dövlət başçısı İlham Əliyevin mərhum dövlət başçısı, atası Heydər Əliyevin məzarını ziyarət etməsini ilk səhifələrə yerləşdiriblər.

“Azadlıq” qəzeti rəsmi Bakı şərh verməsə də Beynəlxalq Banka borclara görə, 70-dən çox iş adamının saxlanmasını, bu həbslərin davam edəcəyini, həbslərin iqtidar daxilində ciddi qarşıdurma yaradacağı qənaətlərini manjetə çıxarıb. Qəzet qeyd edir ki, Milli Şura sədri Cəmil Həsənli son günlərdə iş adamlarının kütləvi həbslərini “repressiya maşınının iş adamlarının üzərinə yeriməsi” sayaraq prosesə ironik “Bandotdellə Avropya doğru!” münasibəti ifadə edib.

Qəzet həbsdə olan jurnalist Xədicə İsmayılın bacısının hər hansı səbəb olmadan 6 qohumunun işdən çıxarıldığını xəbər verir. Ölkədəki siyasi repressiyalara etiraz olaraq beynəlxalq basqıların davam etdiyini yazan qəzet “əl-Cəzirə Ameika” telekanalında Azərbaycan kimi avtokratiyanı Avropa Oyunlarına ev sahibi etmək səhv istiqamət olması haqda veriliş yayınlandığını bildirir. Qəzet yazır ki, Azərbaycandakı repressiya və korrupsiya Almaniya parlsamentində sərt şəkildə tənqid edilib.     

Milli Şuranın mayın 17-si nəzərdə tutulan aksiyasına Bakı meriyasının həmin tarixə yox, qurumla razılaşmadan mayın 16-na icazə verməsini qurum təmsilçiləri “meriyanın özbaşınalığı və aksiyaya qarşı təxribatı” kimi dəyələndiriblər.

“Ekspress” qəzeti  “Dövlət Bayrağı Meydanı”nın keçmiş rəisinin,  bir iş adamının və “Azərinşaat”ın rəhbərinin saxlanmasını ilk plana çıxarıb.

Qəzet son 5 ayda milli valyuta ilə nəqd pul və depozitlərin 5 milyard azaldığını nəzərə çatdırır.

“Exo” qəzeti təqribi hesablamlara görə ölkədə 600 minə yaxın küçə pişik və itləri olmasını diqqət mərkəzinə çəkib.

“Bizim yol” qəzeti  son günlərdə iş adamlarının kütləvi həbsləri, Beyənlxalq Bankdan kredit adı altında milyardlarla dövlət vəsaitinin mənimsənilməsini ilk səhifəyə yerləşdirib.

Qəzet ölkədə vaxtı keçmiş amma qaytarılmamış kreditlərin həcminin 1 milyard 213 milyon manata ıatdığını yazaraq bunu bank sektorundakı böhran adlandırır. 

“Yeni Müsavat” qəzeti rəsmi Bakının dövləıt büdcəsini talayan məmurlara qarşı Avropa Oyunlarından sonra mübarizə aparacağını iddia edərək bu mülahizəsini iqtidarın “Talana son planı” adlandırır.

Qəzet RF generalı Partuşevin Bakıya artıq baş tutmuş, ABŞ məmuru Tom Malinovskinin gözlənilən səfərinə “Azərbaycanın qlobal güclərin çarpaz təzyiqi altında olması” şərhi verir.

Qəzet Bakı bulvarında vətəndaşlara xidmət səviyyəsinin qənaətbəxş olmamasına, qiymətlərin isə hələ yay gəlməmiş qalxmasına diqqət çəkir.