ƏMDK yanında iki təşkilat yaradılıb

Prezident İlham Əliyevin sərəncamı ilə mayın 4-də Əmlak Məsələləri Dövlət Komitəsinin strukturunda dəyişiklik edilib. Bu qurumda iki təşkilat yaradılıb: Daşınmaz Əmlakın Kadastrı və Ünvan Reyestri Xidməti  və Torpaqların Dövlət İdarəetməsinin Təşkili üzrə Dövlət Agentliyi.

Bu sənədlə ƏMDK, onun strukturları, o cümlədən Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti və Hərracların Təşkili üzrə Auksion Mərkəzi haqqında əsasnamələr təsdiq edilib.

Əmlak Məsələləri Dövlət Komitəsi və onun strukturuna daxil olan dövlət orqanlarının işçilərinin say həddi 851 ştat vahidi müəyyən edilib. Bu, əvvəlkindən 125 nəfər çoxdur. Daşınmaz Əmlakın Kadastrı və Ünvan Reyestri Xidməti aparatının işçilərinin say həddi 65 ştat vahidi, Torpaqların Dövlət İdarəetməsinin Təşkili üzrə Dövlət Agentliyi aparatının işçilərinin say həddi 55 ştat vahidi müəyyən edilib. Əmlak Məsələləri Dövlət Komitəsi aparatının 260-dan 245-ə endirilib, ərazi şöbələrində 315 nəfərdən 345-ə artırılıb. Daşınmaz Əmlakın Dövlət Reyestri Xidməti aparatının işçilərinin say həddi dəyişməyib (80 ştat vahidi), Auksion Mərkəzində 10 ştat  azalıb (61 nəfər).

Nazirlər Kabinetinə tapşırılıb ki, iki ay müddətinə daçınmaz əmlakın qiymətləndirilməsi üzrə qanunvericiliyin təkmilləşdirilməsi üçünü təklif lər hazırlasın.

ƏMDK sədrinin müavinlərinin sayı dəyişməyib. Kərəm Həsənovun iki müavini olacaq. ƏMDK sədri torpaqların qorunması və mühafizəsi üzrə baş dövlət inspektorudur. 08D