Rəsmi qəzetlər dövlət başçısı İlham Əliyevin Serbiya müdafiə nazirinin başçılıq etdiyi nümayəndə heyətini qəbul etməsi, bəzi qanunların tətbiqi haqda sərəncam imzalaması kimi xəbərləri ilk səhifələrə yerləşdiriblər.
“Azadlıq” qəzeti Azərbaycanda vətəndaş cəmiyyəti institutları təmsilçilərinin son həbslərilə bağlı Qərbdən gələn mesajların rəsmi Bakını təşvişə salması iddiasını ön plana çıxarıb.
Avropa İttifaqının Azərbaycanda vətəndaş cəmiyyəti institutları təmsilçilərinin həbslərinə etiraz olaraq yaydığı bəyanatları bu qurum yanında Azərbaycan nümayəndə heyətinin rəhbəri Azad İsgəndərov qəbuledilməz sayıb.
“Azadlıq” qəzetinin əməkdaşı Natiq Ədilovun qardaşı, “narkotik maddə saxlamaq” ittihamı ilə həbsə alınan Murad Ədilov “bandotdel”də saxlanılır, vəkillə görüşünə icazə verilmir.
Bir qrup hüquq müdafiə qurumu və hüquq-mühafizə orqanları təmsilçilərinin vaxtilə yaratdığı işçi qrupun yenidən bərpa olunmasını ekspertlər siyasi məhbusların azadlığı prosesinin iqtidarın öz əlinə keçirməsi kimi dəyərləndirir.
Tanınmış vəkil və QHT rəhbəri İntiqam Əliyevi “vicdan məhbusu” elan edən Amnesty İnternational rəsmi Bakını onu dərhal azad etməyə çağırıb.
Ekspertlər RF prezidenti Putinin Azərbaycanı Avrasiya İttifaqına cəlb edə bilməsə də ölkə bankları vasitəsilə çirkli pulların yuyulmasını tələb edəcəyi kimi sensasion açıqlama veriblər.
“Ekspress” Ermənistan dövlət başçısı Sarkisyanın Azərbaycanı raket hücumu ilə hədələməsini “psixikasının xarab olması” sayaraq ilk səhifəyə çəkib.
“Exo” ölkənin gözəllik salonlarının 50%-nin mövcud sanitar normaları və qaydalarını pozmasını önə verib.
“Novoe Vremya” siyasi məhbus məsələsinin həllində rəsmi Bakı ilə Avropa Şurası arasında razılaşmanın yaranmasına “siyasi məhbus məsələsini siyasi alverə çevirmək yox, onu həll etmək lazmdır” mövqeyini ifadə edib.
“Bizim yol” Lerik şəhəri və kəndlərinin çoxunun 3 aydan çoxdur ki, su probleminin yaşadığını, amma problemin həllinin tapılmadığını önə verib.
Qəzet İranın Azərbaycan səfirinə istinadən iki ölkənin iş adamlarına münasibətdə viza rejiminin yumşaldıldığını nəzərə çatdırır.
Ölkədə qətl və intiharların artmasına toxunan ekspertlər bunu yoxsulluq və ədalətsilziklə, eləcə də psixiatriya xidmətinin olmaması ilə izah edirlər.
“Yeni Müsavat” Soçi görüşündən sonra Ermənistanın dövlət başçısı Sarkisyanın Azərbaycanı hədələməsini RF dövlət başçısı Putinin bunu onun önündə şərt qoyması kimi dəyərləndirib və ilk səhifəyə çıxarıb.
Ekspertlər ölkədəki son həbs dalğasına münasibət ifadə edərək repressiyaların davam edəcəyi barədə proqnoz verərək bunu rəsmi Bakının özünü 2015-ci il Avropa Oyunları, parlament seçkilərində baş verəcəklərdən öncədən sığortalama sayır.
Avropa Şurasının baş katibi Yanqlandla dövlət başçısı İlham Əliyevin arasında siyasi məhbus məsələsində razlılaşmanın yaranmasını QHT və siyasi partiya təmsilçiləri “böyük gözləntilərin olması” kimi dəyərləndiriblər.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz