Mətbuat-Monitorinq 13.09.14

Rəsmi qəzetlər Malayziyanın baş naziri Mohammad Najib Tun Abdul Razakın Azərbaycana səfərinə dair xəbər və reportajları ilk səhifələrə yerləşdiriblər.

“Azadlıq” qəzeti Bakıda Avstriya XİN rəhbərilə birgə mətbuat konfransında Azərbaycan XİN rəhbəri Elmar Məmmədyarovun avstiyalı jurnalistlərin insan haqları ilə bağlı suallarına əsəbi davranışını önə çəkib.

Həbsdə olan hüquq müdafiəçisi Leyla Yunus təcridxanada ona bəzi müttəhimlər tərəfindən olan hücumları fiziki məhvi barədə PA-dan verilən tapşırıq adlandırır.

ABŞ-ın Azərbaycandakı keçmiş səfiri Riçard Kozlariç rəsmi Bakıya Azərbaycana səfəri zamanı Səid Nuri kimi ona da ölkədən çıxmamaq kimi yasağın edilə biləcəyi üçün Bakıya gəlməkdən çəkinməsi bəyanatını səsləndirib.

Qəzet şəhər yol polisinə istinadən ölkədə 2 milyon nəfərin sürücülük vəsiqəsi aldığını, sürücülərin 40 min nəfərinin qadın olduğunu, qadın sürücülərin 80%-nin Bakıda fəaliyyət göstərdiyini bildirir.

“Ekspress”  Qərbin Rusiyaya yeni sanksiyalarının qüvvəyə mindiyini ilk səhifəyə çəkərək əslən azərbaycanlı Vahid Ələkbərovun rəhbəri olduğu “LUKoyl” neft şirkətinin də sanksiya dairəsinə daxil edildiyini bildirir.

Qəzet Təhsil Nazirliyinə istinadən bu il 138 min nəfər uşağın birinci siniflərə gedəcəyini nəzərə çatdırır.

“Novoe Vremya”  ilk səhifəsində “Xüsusi əlaqələr ölkəyə neçəyə başa gəlir?” və “Şərq və demokratiya-nə ürəyincə olacaq?” məqalələrini yerləşdirməklə Qərb ölkələrinin rəsmilərini “tənqid atəşi”nə tutur.

“Bizim yol”  Qərbin Rusiyaya sanksiyalarını manjetə çıxararaq bu sanksiyaların Azərbaycana azərbaycanlıların kütləvi şəkildə Azərbaycana dönəcəyi, Neft Fondunun aktivlərinə, iş adamlarının sərmayə yatırımlarına zərbə dəyəcəyi, ölkəyə gələn gəlirlərin azalacağı kimi təsirləri olacağı iddiasını irəli sürür.

“Yeni Müsavat”  nəqliyyat naziri Ziya Məmmədovun oğlu Anar Məmmədovun qəzetin baş redaktoru Rauf Arifoğlunu xüsusi ittiham qaydasında məhkəməyə verməsini ön plana çıxarıb.

Qəzet İsmayıllı rayonundan gedərək Suriyada terrorçu İŞİD qruplaşması tərkibində döyüşüb ölən şəxslər haqda yazaraq bu rayondan İŞİD-çilərə qoşulanların sayının artdığını nəzərə çatdırır.