Məhkəmə İntiqam Əliyevi həbsdə saxlayıb
Ötən gün Nəsimi Rayon Məhkəməsi Hüquqi Maarifləndirmə Cəmiyyəyinin rəhbəri İntiqam Əliyevin barəsində həbs qətimkan tədbirinin ev həbsi ilə dəyişdirilməsi barədə vəsatəti təmin etməyib. Bu barədə Turan-a vəkil Anar Qasımlı bildirib.
Onun sözlərinə görə, məhkəmə İ.Əliyevin mənzilində və ofisində axtarış zamanı qanun pozuntusunun tanınması barədə vəsatəti təmin etməyib.
Xatırladaq ki, axtarış zamanı ailəyə məxsus elektron daşıyıcılar, Avropa İnsan Hüquqları Məhkəməsində hüquqları müdafiə olunan vətəndaşların işlərinə dair materiallar götürülüb. Müdafiə tərəfinin fikrincə, bu materialların İ.Əliyevin cinayət işinə aidiyatı yoxdur.
Müdafiə tərəfi Nəsimi Rayon Məhkəməsinin qərarından Bakı Apellyasiya Məhkəməsinə şikayət vermək niyyətindədir.
İ.Əliyev avqustun 8-də həbs olunub. O, vergidən yayınmaqda, qanunsuz sahibkarlıqda və vəzifə səlahiyyətindən sui-istifadədə ittiham olunur.
O, ittihamları rədd edərək onları siyasi motivli hesab edir.
Amnesty International təşkilatı onu “vicdan məhbusu” kimi tanıyıb.—06D--
Siyasət
-
Azərbaycan Respublikasının Prezidenti İlham Əliyev Gürcüstanda keçirilmiş parlament seçkilərinin nəticələri və ölkənin aparıcı siyasi qüvvəsi olan “Gürcü Arzusu - Demokratik Gürcüstan” partiyasının qələbəsi münasibətilə Baş nazir İrakli Kobaxidzeni təbrik edib.
-
Oktyabrın 26-da Azərbaycanın ekologiya və təbii sərvətlər naziri, COP 29-un prezidenti Muxtar Babayev ABŞ prezidentinin beynəlxalq iqlim siyasəti üzrə baş məsləhətçisi Con Podesta ilə görüşüb. Bu barədə X sosial platformasında COP-un səhifəsində deyilir.
-
İran İsrailə vasitəçi vasitəsilə məlumat verib ki, oktyabrın 26-na keçən gecə İsrail qüvvələri tərəfindən həyata keçirilən hava hücumuna cavab addımları atmadan çəkiləcək. Bu barədə Sky News Arabia platforma X-dəki bloqunda anonim mənbəyə istinadən məlumat yayıb.
-
Səmada 100 təyyarə: İsrail üç saat ərzində İrana zərbələr endirib Əməliyyat zamanı ən azı 20 hədəfə hücum olub, lakin nüvə və neft obyektlərinə zərbə endirilməyib.
Rəy yaz