Mətbuat-Monitorinq 13.11.13

Rəsmi və iqtidaryönlü qəzetlər dövlət başçısı İlham Əliyevin Türkiyə səfəri, görüşləri barədə xəbərləri ilk səhifəyə çıxarıblar. 

“Azadlıq” qəzeti özünün 24 illk fəaliyyəti ərzində 2013-cü il 13 noyabr sayında  qəzetə qarşı təxribat olan “maliyyə durumu” üzündən dayanmalı oldu. 

“Ekspress” Rusiya Miqrantlar Federasiyasının rəhbəri Mais Qurbanovun Moskvada güllələndiyini yazır. 

Qəzet Demokrat Partiyası Ali Məclis sədrinin ölkəni tərk etdiyini, partiya sədri Sərdar Cəlaloğlunun bundan xəbərsiz olduğunu bildirir. 

“Exo” ekspertlərə istinadən MDB ölkələrində və Azərbaycanda kredit verilməsi şərtlərini “biznesin inkişafını stimullaşdırmayan” şərtlər kimi dəyərləndirir. 

Qəzet proqnozlara əsasən 2014-cü ildə dövlət büdcəsi gəlirlərinin 4% azalacağını, xərclərin 1,1%, kəsirin isə 2,4 dəfə artacağını nəzərə çatdırır. 

“Novoe Vremya” rəsmi Bakının ünvanına olan beynəlxalq tənqidlərə tənqidlə cavab verməsini “iqtidarın həmişəki kimi beynəlxalq qurumları ayaqlaması” adlandırır.  

“Bizim yol”  “Azadlıq” qəzetinin çapını dayandırmasını ilk səhifəyə çıxarıb.

Qəzet Türkiyənin “Todays Zaman” qəzetinin diplomatik mənbələrə istinadən Ermənistanın Dağlıq Qarabağ ətrafında 5 rayonu azad etməyə razılıq verdiyini, bu məqsədlə Türkiyə hökuməti İsveçrə hökumətindən dəstək istədiyini yazır. 

Qəzet yazır ki, ilahiyyatçı alim Altay Göyüşov Bakı Dövlət Universitetindən xaric edilib. Buna alimin facebook-da fəallığı səbəb olub.

“Yeni Müsavat” düşdüyü maliyyə durumu ilə bağlı dəstək kampniyasını “qəzeti xilas kampaniyası” adlandıraraq kampaniyanın ilk günü 1100 nəfərin abunə olduğunu yazır. 

Qəzet Türkiyəyə müalicəyə gedən azərbaycanlılar üçün tibbi müayinənin qiymətlərinin 3 dəfə artırılmasına diqqət çəkərək xəstələrin Türkiyədə ağır durumla qarşılaşacaqları barədə xəbərdarlıq edir.