Bu ilin 9 ayında Azərbaycanın mərkəzi depozitarı korporativ qiymətli kağızların alqı-satqısı və ilkin yerləşdirməsi üzrə nominalla 1 347 310 min manatlıq əqd qeydiyyata alıb. Bu, ötən ilin eyni dövründəkindən 84,6% çoxdur.
Milli Depozit Mərkəzi bildirir ki, artım bazarın btünü seqmentlərində olub. Qiymətli kağızların təkrar yerləşdirməsi üzrə qeydiyyat həcmi 564,6 mln manat təşkil edib. Bu, ötən ilin eyni dövründəkindən 2 dəfə çoxdur. İlin əvvəlindən korporativ qiymətli kağızların yerləşdirilməsi həcmi 607,1 mln manat və ya ötən ilin eyni dövründəkindən 45% çox olub. Bakı Fond Birjasının məlumatına görə, təkrar bazarda əsas ticarət aləti İpoteka Fondunun, bankların və qeyri-bank kredit təşkilatlarının korporativ istiqrazlarıdır. QK-ın ilkin yerləşdirilməsi seqmenti AİF istiqrazları və maliyyə şirkətlərinin qiymətli kağızlarından ibarətdir.
Bu il səhmlərin birjadankənar platforması sürətlə artır. İlin əvvəlindən MDM birjadankənar bazarda 175 575,3 manatqıl 366 əqd qeydiyyata alıb. Bu, ötən ilin eyni dövründəkindən (38,6 mln manat) 4,5 dəfə çoxdur. Oktyabrda MDM-də birjadankənar səhm alqı-satqısı üzrə rekord olub – nominalla 69,6 mln manat. Əvvəlki rekord (51,6 mln manat) də bu il baş verib (iyun).
MDM depozitar fəaliyyətdə inhisarçı olsa da, xidmət etdiyi QK emitentlərinin sayını açıqlamır. Bu il mərkəz 40-dan çox şirkətlə belə müqavilə bağlayıb. Şirkətlərin adı açıqlanmır. Xidmət göstərilən şirkət sayı 1500-ə yaxındır.
1 noyabr 2013-cü il üçün MDM-də ümumi nominal qiyməti 9,8 mlrd manat olan qiymətli kağızlar saxlanılır. İlin əvvəlindən saxlanmağa götürülən QK həcmi 55% artıb. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz