Mətbuat-Monitorinq 13.11.14

Rəsmi qəzetlər İran prezidenti Həsən Ruhaninin Azərbaycana rəsmi səfəri barədə xəbərləri ilk səhifələrdə yerləşdiriblər.

“Azadlıq” qəzeti vaxtilə Əliyev rejiminin qatı tərəfdarı, indi isə Avropada mühacirətdə olan Hüseyn Abdullayevin rejimə etiraz olan “Gözün aydın” adlı şer yazmasını ilk səhifəyə çıxarıb.

Qoşunların təmas xəttini keçməsinə görə erməni hərbi helikopterinin vurulduğunu, ekipajın məhv edildiyini və helikopteri vuran hərbi qulluqçunun mükafatlandırıldığı bildirilir.

Naxçıvanda həbsə alınan AXCP fəalı Hicran Qasımova ailəsilə görüş verilmir, H.Hüseynovun xanımı Səadət Hüseynova ona hansı maddə ilə cinayət işinin açılması barədə məlumatın verilmədiyini də nəzərə çatdırır.

Ölkə Konstitusiyası ilə bağlı hansı düzəlişlərə ehtiyac olmasına şərh verən ekspertlər insan hüquqlarının təminatı mexanizminin, proporsional seçki sisteminin sənəddə əksini tapmalı olduğunu bildiriblər. 

“Müsavat-com” saytının “Baku Paintball Center”də İŞİD üçün terrorçular hazırlanması barədə yaydığı xəbəri adı çəkilən qurum rəhbərliyi əsassız sayıb.

Qəzet PA-nın rəhbəri R.Mehdiyevin icra başçılarına təlimatında bələdiyyə seçkilərində YAP, AVP və daha bir hökumətyönlü partiyanın iştirakını təmin etmək tapşırığı verdiyini iddia edir.

“Ekspress”  Ağdam səmasında Ermənistana məxsus “Mİ-24” helikopterinin vurulması xəbərini ilk səhifəyə çəkib.

ABŞ Mərkəzi Kəşfiyyat İdarəsi iqlim dəyişikliklərilə bağlı hesabatında   Azərbaycan da daxil olmaqla 39 ölkənin bu dəyişikliklərdən əziyyət çəkəcəyini bildirir.

“Novoe Vremya”  Azərbaycan oliqarxlarının övladlarının iqtidarı təmənnalı lobbiçiliyinə “Azərbaycandan-qara kürü ilə” yanaşması sərgiləyir.

“Bizim yol”  Ermənistana məxsus hərbi helikopterin vurulmasını ilk səhifədə yerləşdirib.

İqtisadçı ekspertlər ölkənin reklam bazarının kasad olmasını rəqabətin olmaması və inhisarın reklam bazarını “daraltdığını” nəzərə çatdırır.

“Yeni Müsavat” Kremlin Qafqaza yönələn son həmlə hazılığında olması və “Rusiya Azərbaycana Gürcüstandan “girə bilər” iddiasını ilk plana çıxarıb.

Qəzetin yazdığına görə, Səbayel rayon icra başçısı Arif Əsgərov oğlu ölümlə nəticələnən  yol qəzası törətdiyinə görə vəzifəsini itirmək üzrədir.