Rəsmi qəzetlər mərhum dövlət başçısı Heydər Əliyevin vəfatının 10-cu ildönümünün qeyd olunması ilə bağlı xəbəri ilk səhifələrə yerləşdiriblər.
“Azadlıq” qəzeti Oğuz-Qəbələ-Bakı su kəməri tikintisi zamanı “Azərsu”nun 300 milyon manat “əlavə xərclərə” yol verildiyini, amma buna aydınlıq gətirməməsini ilk səhifəyə çıxarıb.
Ölkədə bahalaşmaya etiraz olaraq vətəndaşları Milli Şuranın 15 dekabr mitinqində fəal iştiraka çağıran AXCP sədri Əli Kərimli “etiraz etməsək qiymət artımı da, hüquqsuzluq da davam edəcək” xəbərdarlığını edib.
“Qlobal Risklərin Analitikası” qurumu siyasi azadlıqların məhdudlaşdığı, sosial gəlirlərin kəskin azaldığı Azərbaycanı siyasi sabitlik baxımından riskli ölkələr sırasına daxil edib.
“Global Financial İntegrity” qurumu son 10 ildə Azərbaycandan kənara qanunsuz olaraq 17 milyard dollar maliyyə vəsaitinin çıxarıldığını bildirir.
“Zerkalo” ABŞ-ın Ermənistana Türkiyə ilə münasibətləri normallaşdırması çağırışını “ABŞ-ın Ermənistana son şansı verməsi” kimi dəyərləndirir.
“Ekspress”. Elektrik enejisinə görə qiymətlərin artacağı haqda iddialara “Azərenerji”nin prezidenti Etibar Pirverdiyev “qiymətlərin qalxması ehtimalı yoxdur” cavabını verib.
“Exo” vergi orqanlarına istinadən 2013-cü ilin 10 ayı ərzində 426 vergi cinayətinin üstünün açıldığını və büdcəyə 30 miyon manatdan çox vəsaitin daxil edildiyini nəzərə çatdırır.
Avrasiya İnkişaf Bankının dəstəyilə keçirilən sorğunun nəticələrimə görə Azərbaycan əhalisinin 53%-i Rusiyanın layihəsi olan “Gömrük İttifaqı”na qoşulmağın əleyhinə çıxıb.
“Novoe Vremya” sərt hava şəraitinin ölkədə yaratdığı problemləri məmurların fəaliyyətsizliyinin nəticəsi sayaraq “məmurların korrupsiya və başı-pozuqluğuna nə qədər dözəcəyik?” sualı ünvanlayır.
“Yeni Müsavat” İqtisad Universitetində rektor-deputat Şəmsəddin Hacıyevin “rüşvət xəritəsi”ni açan müəllimlərin ölkə rəhbərliyinə “bu şəxs 10 ildir ki, tələbələrin qanını sorur, millətə qarşı genosid siyasəti yürüdür” müraciəti etdiyini nəzərə çatdırır.
Qəzet beynəlxalq qurumlara istinadən son 10 ildə ölkədən kənara qanunsuz olaraq 17 milyard dollar vəsaitin çıxarılması haqda xəbəri ön səhifədə yerləşdirib.
Cəmiyyət
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
Rəy yaz