Rəsmi qəzetlər dövlət başçısı İlham Əliyevin Sumqayıt şəhərinə səfəri, burada bəzi obyektlərin açılışında iştirak etməsi haqda xəbərləri ilk səhifələrdə yerləşdiriblər.
“Azərbaycan” qəzetinin redaktoru Bəxtiyar Sadıqov qəzetdə Qərbi Azərbaycana münasibətdə öhdəliklərini yerinə yetirməməkdə ittiham edən məqalə ilə çıxış edib.
“Azadlıq” rəsmi “Azərbaycan” qəzetinin “Barak Obamanın ikiüzlülüyü” adlı məqaləsinə diqqət çəkərək bunu “Əliyevin Obamaya savaş açması” adlandırır.
Qəzet İlham Əliyevin sabahkı Türkiyə səfərində “Gülən camaatı”nın Azərbaycandakı dayaqlarının sarsıdılmasının əsas məsələ olacağını iddia edir.
İŞİD terror qruplaşmasının Azərbaycana qarşı əməliyyata başlamaq çağırışlarına ekspertlər “bu faktı ciddiyə almaq” mövqeyini ifadə ediblər.
AXCP fəalı Seymur Həzinin məhkəmə prosesində şahidlər hadisə yerinə baxışda iştirak etmədiklərini deməklə baxış haqda protokolun saxta olduğunu bildiriblər.
Keçən il dekabrın sonlarında məhkum Elşad Babayevin 14 saylı həbsxanada qətlinə etiraza görə işgəncə verilərək “tubzon”da saxlanılan məhkumların yaxınları görüş zamanı onların üzərində işgəncə izləri gördüklərini təsdiqləyiblər.
Yanacaq məhsullarının qiymətinin artmasına toxunan ekspertlər bundan irəli gələrək kənd təsərrüfatı məhsullarının qiymətində də bahalaşma olacağını deyiblər.
Siyasi xadimlər rəsmi Bakının ABŞ-la qarşıdurmaya getməsini “hakimiyyətin onu gözləyən təhlükəni anlamaması” kimi şərh ediblər.
“Ekspress” rəsmi “Azərbaycan” qəzetində Barak Obamanın təhqirə məruz qoyulmasına ““Azərbaycan” Obamaya qarşı” mövqeyini önə çəkib.
Benzinin bahalaşması ilə bağlı açıqlama verən ekspertlər bunun “zəncirvarı bahalaşma” yaradacağını bəyan ediblər.
“Exo” ekspertlərə isnadən ölkədə krizis mərkəzi olmamasının yeniyetmələr arasında intiharın artmasına şərait yaratması ilə bağlı mövqeyi önə çəkir.
“Novoe Vremya” insan haqlarına münasibətdə Azərbycanla ABŞ arasında qarşılıqlı tənqidi mövqenin yaranmasına toxunur, hər iki tərəfin insan haqlarına əməl etməməsinə “Amerikansayağı və Azərbaycansayağı insan haqları” mövqeyini bildirir.
“Bizim yol” yanacağın qiymətinin bahalaşdırılmasının arxasında ictimai nəqliyyatda gediş haqlarının artırılmasının durması iddiasını ilk səhifəyə çıxarıb.
İŞİD terror qruplaşmasının Azərbaycanı savaşla hədələməsinə cavab olaraq qəzet Bakıda strateji obyektlərin, yəhudi dini məkanların mühafizəsinin gücləndirdiyini nəzərə çatdırır.
“Yeni Müsavat” Vaşinqtonda Azərbaycanı tənqid ruhlu dinləmələrə cavab olaraq rəsmi Bakının Obamanı təhqir etməsini önə çəkərək bunu “Bakı ilə Ağ Ev arasında gərginliyin açıq müstəviyə keçməsi” adlandırır.
Müxlaif siyasi xadimlər benizinin bahalaşmasına “iqtisadi qanunvericiliyə zidd, sosial narazılığı artıracaq, bahalaşma məntiqinin anlaşılmaması” kimi şərh verirlər.
“İŞİD” terror qruplaşmasının Azərbaycana qarşı savaş çağırışlarını ekspertlər “ölkədəki tərəfdarlarına “yol xəritəsi” kimi dəyərləndiriblər.
Qəzet yazır ki, Dağıstan prezidenti Ramazan Abdullatipovun qardaşı Rəcəb Abdullatipov qaçaq yolla Azərbaycanla spirt alverinə görə Bakıda saxlanılıb.
Qəzet Şəkinin Daşüz kənd sakini İbrahim Məmmədovun arvadı, qayınanası, baldızı və bacanağı azyaşlı uşaqları ilə birgə İŞİD-ə qoşulduqlarını bildirir.
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz