Rəsmi qəzetlər dövlət başçısı İlham Əliyevin Cənub qaz dəhlizi Məşvərət Şurası çərçivəsində nazirlərin görüşündə iştirakını ilk səhifədə yerləşdirib.
“Azadlıq” qəzeti “Lamiyə işi”ndə məhkumun süni mayalanma yolu ilə dünyaya uşaq gətirməsi haqda rəsmi Bakının bəyanatını “çıxılmaz duruma düşən hakimiyyətin məsələni absurda çatdırması” sayaraq manjetə çıxarıb.
“Standart Poors” Azərbaycan Dəmir Yolları” QSC-nin kredit reytinqini “stabil”dən “neqativ” səviyyəsinə endirib.
Narkotik ilə şərlənərək barəsində həbs qətimakn tədbiri seçilən AXCP təşkilat şöbəsinin müdiri Rafiq Daşdəmirlinin oğlu Sənan Daşdəmirli Nərimanov rayon məhkəməsinin qərarı ilə ev dustaqlığına buraxılıb.
Qəzetə görə, Qubada 3 gün ərzində 30-40 sinfin bağlanması gərginliyə səbəb olub, buna etiraz olaraq valideynlər Bakı-Quba yolunu bağlamağı planlaşdırırlar.
Qəzetin yazdığına görə, RATİ rəhbəri Emin Hüseynovun sığındığı İsveçrə səfirliyinə yeləşdiyi bina sahibilə müqaviləni uzatmağa imkan verilmir, səfirlik bunu rəsmi Bakının E.Hüseyni həbs etməkdə maraqlı olması ilə izah edir.
Vaşinqtonda Azərbaycanla bağlı dinləmələrə toxunan qəzet qeyd edir ki, vəziyyət belə davam etdiyi halda ölkə rəsmilərinə sanksiyaların gündəmə gələ biləcəyi mümkündür.
“Ekspress” qəzeti Türkiyə baş naziri Ahmet Davutoğlunun “Ermənistan Azərbaycanın bir rayonundan çıxsaydı Türkiyə ilə sərhədlər açıla bilərdi” bəyanatını diqqət mərkəzinə gətirib.
“Novoe Vremya” qəzeti “Lamiyə işi”ndə süni mayalanma kimi faktlara “Lamiyə Quliyevanın işində şübhəli faktlar” mövqeyini önə çəkib.
“Bizim yol” qəzeti Lamiyə Quliyevanın həbsdə süni mayalanma yolu ilə ana olması haqda rəsmi mövqeyi “Lamiyə Quliyeva ilə bağlı növbəti sensasiya” kimi dəyərləndirərək, ilk səhifədə yerləşdirib.
Neftin qiymətinin ucuzlaşması ilə ölkədə kütləvi ixtisarların başlanmasına toxunan ekspertlər kütləvi ixtisarların intiharların sayını artıracağını iddia edirlər.
“Yeni Müsavat” qəzeti “Azərbaycan Dəmir Yolları” QSC-yə rəhbər təyin edilən Cavid Qurbanovun dəmiryolu sistemində indiyə kimi aparılan islahatın səmərli olmaması açıqlamasını nazir Ziya Məmmədovu tənqid etməsi kimi ilk səhifəyə çıxarıb.
Müsavat Partiyasının keçmiş üzvü Əlövsət Sadıxlının oğlu Tural Sadıxlı Almaniyada rəsmi Bakı əleyhinə keçirilən aksiyada iştirak etdiyinə görə Bakıda narkotik ittihamı ilə şərlənərək saxlanılıb.
Espertlərə görə, rəsmi Bakı manatın məzənnəsini bu ilin sonuna kimi qüvvədə saxlaya bilmək gücündədir.
Cəmiyyət
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
Rəy yaz