![AŞPA-dakı Azərbaycan nümayəndə heyəti xalqın yox, iqtidarın iradəsini ifadə edir](https://turan.az/resized/750/500/resize/media/2015/main/021400106594.jpg)
AŞPA-dakı Azərbaycan nümayəndə heyəti xalqın yox, iqtidarın iradəsini ifadə edir
Demokratik Qüvvələrini Milli Şurası (DQMŞ) Azərbaycanın AŞPA-dakı nümayəndə heyətinin Ukrayna məsələsinə münasibətdə tutduğu mövqeyi ilə bağlı bəyanat yayıb.
Bəyanatda deyilir:
“Azərbaycanın demokratik qüvvələrinin - gerçək müxalifət mövqeyindən çıxış edən, demokratiya, insan hüquqlarının qorunması, qanunun aliliyi prinsiplərini rəhbər tutan, avtoritarizmdən demokratiyaya dinc keçidin təmin olunması məqsədilə azad və ədalətli seçkilər və siyasi, hüquqi, iqtisadi və sosial islahatların həyata keçirilməsinı özünün başlıca məqsədi hesab edən siyasi partiyaların, ictimai birliklərin, ictimai-siyasi fəalların, ziyalıların və gənclərin geniş birlik koalisiyası - Demokratik Qüvvələrin Milli Şurası olaraq bəyan edirik:
Avropa Şurası Parlament Assambleyasının 2015-ci il qış sessiyası zamanı Rusiyanın Ukrayna ərazilərini işğal etməsi və Ukraynada separatçılığa açıq dəstək verməsinə etiraz olaraq Rusiya nümayəndə heyətinə qarşı sanksiyaların tətbiqi ilə bağlı Azərbaycan nümayəndə heyətinin altı nəfər olmaqla tam tərkibdə qətnamə ləayihəsinin əleyhinə səs verməsini yanlış, əsassız və siyasi baxımdan təhlükəli addım hesab edirik. Bu mövqe beynəlxalq hüququn dövlətlərin ərazi bütövlüyü və sərhədlərin toxunulmazlığı prinsipləri ilə ziddiyyət təşkil etməklə yanaşı, ərazisinin 20 faizinin işğal altına olduğu, iyirmi ildən artıq bir müddətdə separatçılıqdan əziyyət çəkən bir dövlətin və millətin dövlətçilik və milli maraqlarına vurulan zərbədir. Uzun onilliklər ərzində Qarabağ və ərtaf bölgələrin işğalınının və separatçı terrorizmin dəhşətli faciələrini yaşayan Azərbaycanın parlament təmsilçilərinin eyni aqibətlə üzləşmiş Ukrayna xalqının faciəsinə belə fərqli münasibəti, işğala məruz qalanı yox, işğalçını, separatçılıqdan əziyyət çəkənləri yox, separatçıları dəstəkləməsi ölkəmizin Qarabağ məsələsində haqlı və ədalətli mövqeyinə də ciddi zərbə vurur, diplomatiyamızı əlverişsiz duruma salır.
Milli Şura olaraq qətiyyətlə bəyan edirik ki, bütün Azərbaycan xalqı kimi biz də öz azadlığı uğrunda mübarizədə qəhrəman Ukrayna xalqının yanındayıq. Biz Ukraynanın ərazi bütövlüyünə qarşı Krımın işğalı da daxil olmaqla bütün təcavüzləri pisləyir və Rusiyanı bu dost ölkənin ərazi bütövlüyünə və beynəlxalq hüququn prinsiplərinə hörmət etməyə çağırırıq. Biz Ukrayna dövlətinin Avropa Birliyi ilə dərinləşən strateji münasibətlərinə böyük rəğbətlə yanaşır və Ukrayna xalqının ali maraqlarına xidmət edən bu düzgün və alternativsiz seçimində ona böyük uğurlar arzulayırıq.
Bildiririk ki, azad və ədalətli olmayan seçkilər, əslində isə təyinatla formalaşan, legitimliyi parlament seçkilərinın monitorinqini aparmaq üçün rəsmi mandata malik olan ATƏT-in müşahidə missiyası tərəfindən şübhə altına alınan Azərbaycan parlamentinin nümayəndə heyətinin mövqeyi Azərbaycan xalqının mövqeyi kimi qəbul edilə bilməz. Azərbaycan xalqının ali iradəsi ilə seçilməyərək, Azərbaycan siyasi hakimiyyətinin siyahısı ilə təyin edilən şəxslərin Azərbaycan xalqını təmsil etmək hüququ yoxdur və onların mövqeyi yalnız və yalnız onları təyin edən hakimiyytətin mövqeyi kimi qəbul edilməlidir”. -05D-
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz