Mətbuat-Monitorinq 14.10.14

Rəsmi qəzetlər dövlət başçısı İlham Əliyevin RF müdafiə naziri Sergey Şoyqunun başçılıq etdiyi nümayəndə heyətini qəbul etməsi xəbərini, dəmiryolçu günü ilə bağlı bir qrup dəmiryolçunun, Abşeron rayonun inkişafına xidmət edən bir qrup şəxsin fəxri ad və dövlət mükafatları ilə təltif olunmaları, Nizami Hacıyevin Gəncə şəhər Nizami rayonuna icra başçısı təyin olunması haqda sərəncamın mətnlərini ilk səhifələrdə yerləşdiriblər. 

“Azadlıq” qəzeti Milli Şuranın oktyabrın 12-də siyasi həbslərə etiraz aksiyasında terrorçu “İŞİD” qruplşamasını bayrağını qaldıran şəxsin polis bölmələrində “üzəduran” olduğunu önə çəkərək bunu hakimiyyətin “İŞİD təxribatı” adlandırır.

BBC siyasi əqidəyə görə Azərbaycandakı repressiyalara toxunaraq bunu “Azərbaycanın dünyanı çoka salması” kimi dyərləndirir.

Xaricə çıxmasına rəsmi Bakının yasaq qoyduğu jurnıaist Xədicə İsmayıl hakimiyyətə “düşünməsunlər ki, səsəim heç hara çatmayacaq” mesajı ünvanlayıb.

AXCP üzvü Murad Ədilov ona qarşı külli miqdarda narkotiuka saxlamaq ittihamına “bu iş hüquqi yox, siyasi sifarişçdir” şərhi verib.

Norveçin “Statoil” neft şirkətinin “Şahdəniz” layihəsindən çıxmasına ekspertlər bu gedişin kommersiya maraqları ilə bağlı olmadığı mövqeyi ifadə ediblər.

“Human Rights Vatch” təşkilatı şəffaflıqla bağlı öhədliklərini yerinə yetirmədiyi üçün Azərbaycana sanksiylar tətəbiqinə şağırıb.

“Ekspress” qəzeti bu yaxınlara kimi xarici qrantlardan bəhrələnən parlamentin komitə sədri Əli Hüseynlinin “xarici donorlara artıq ehtiyac olmaması” bəyanatını ilk səhifəyə çıxararaq deputatın “ehtiyac olmayan layihələrdən İŞİD kimi terrorçu təşkilat yaranır” bəyanatını nəzərə çatdırır.

Güney Azərbaycan probleminə toxunan qəzet Urmi gölünün 95%-nin quruduğunu yazaraq bunun bölgə üçün ekoloji fəlakət yaratdığı xbərdarlığı edir.

Azərbaycanda həbsə alınan terrorçu İŞİD qruplşamsının üzvü qrupa qatıldıqlarına görə ayda 150 dollar vəsait aldıqlarını söyləyib.

“Exo” qəzeti Azərbaycanda ailələrin hər ay gəlirlərinin 95%-ni övladlarının ehtiyaclarına sərf etməsi statistikasını diqqət mərkəzinə çəkərək bu fakta nəvazişlə “əziz “varislər”” yanaşması ifadə edir.

“Novoe Vremya” qəzeti dünya bazarında neftin qiymətinin uculaşmaqda davam etməsi prosesini ilk səhifəyə çəkərək bunun Azərbaycana da ciddi təsir edəcəyinə “təsəlli belə olmayan proqnoz, deyəsən, neft dolları yağışı” getdikcə “quruyur” yanaşması sərgiləyir.

“Bizim yol” qəzeti Azərbaycan və Rusiyanın Xəzərdə kollektiv təhlükəsizlik sistemi formalaşdırması haqda razılığa gəlmələrini  ilk səhifəyə yerləşdirərək buna “Qərbi qıcıqlandıran şok razılşama” şərhi verir.

2015-ci il dövlət büdcəsində gəlrilər 1 milyard artırılıb, neftin qiyməti 90 doolardan hesablanıb.

“Yeni Müsavat” qəzeti qəzetlə münaqişədə olan nazir Ziya Məmmədovun yaxın ətrafının biznüsini Çeçenistana köçürməsi mövzusunu ilk plana çıxarıb.

Qəzet Binəqədi rayon icra başçısı Xaləddin İskəndərovu torpaq alqı-satqısı adı ilə iş adamlarından “xərac” yığmaqda ittiham edir.

Deputat Çingiz Qənizadə beyənlxalq qurumlar rəsmi Bakını daim tənqidə məruz qoyduğu üçün əfv fərmanı verilmədiyini söyləyib.

Müsavat partiyasındakı son istefalra toxunan qəzet bəzi partiya funksionerlərinin durumu müzakirə üçün qapalı ümumpartiya müzakirəsi aparılmasını təklif edirlər.

Azərbaycanın RF layihəsi olan Avrasiya İttifaqına şirnikləşdirilməsini ekspertlər “müstəqilliyin itirilməsi “oyunları”nın qırmızı xətlərin üstündə getməsi” sayıblar.