Mətbuat-Monitorinq 14.12.12
Rəsmi qəzetlər bir sıra qanunlara dəyişikliklərin edilməsilə bağlı dövlət başçısının sərəncamlarının mətnlərini dərc ediblər. Bundan əlavə, bu qəzetlər vasitəsilə “Freedom House” təşkilatının Azərbaycanın adını qeyri-azad ölkələr sırasına salmasına cavab verən rəsmilər və hökumətyönlü şəxslər bu faktı “Azərabycana qərəz, qeyri-obyektivlik” adlandırırlar.
“Azadlıq” keçmiş rektor Elşad Abdullayevin iqtidarı ifşa edən videoları yaymaqda davam etdiyini, rektorun deputat seçilmək üçün verdiyi 1 milyon manatın PA rəhbəri Ramiz Mehdiyevə aparıldığını bildirir.
Amerikalı ekspertlər İranı Azərbaycanda pozuculuq fəaliyyəti göstərməkdə ittiham ediblər.
Gəncənin Nizami rayon icra başçısı ədəbsiz hərəkətlərinə görə polis inspektoruna tutduğu irada görə inspektor tərəfindən döyülüb.
Türkiyənin mədəniyyət və turizm naziri Ankarada keçirilən Heydər Əliyevi anım mərasimində yumurta atəşinə tutulub.
Vaxtilə Azərbaycanın Rusiyada səfiri olmuş Hikmət Hacızadə Rusiyanın Qəbələ RLS-dən imtinaya məcbur edilməsinin “Azərbaycana baha başa gələcəyi” barədə xəbərdarlıq edib.
Rəsmi Bakının “Freedom House” təşkilatının Azərbaycanın adını qeyri-azad ölkələr sırasına salmasını “erməni əli” olması izahına ekspertlər “erməniyə ehtiyac yox, iqtidar özü ölkəni dünyaya korrupsiya və hüquqsuzluğun tüğyan etdiyi ölkə kimi
tanıdıb” mövqeyini ifadə ediblər.
Qəzet rəsmi qurumlara istinadən 2012-ci ildə 54 nəfərin dəm qazından boğulduğunu, 1402 nəfərin müxtəlif xəsarətlər aldığını yazır.
“Zerkalo” Azərbaycanda yol-nəqliyyat qəzalarında zərər çəkən “üçüncü tərəf”ə kompensasiya ödənməsilə bağlı layihənin hazırlandığını nəzərə çatdırır.
“Ekspress”. Asiya İnkişaf Bankı Azərbaycanda pullu yollar salmaq imkanlarını araşdırır.
Ötən 11 ayda ölkə yollarında yol-nəqliyyat qəzaları nəticəsində 1065 nəfər həlak olub, 2845 nəfər yaralanıb.
“Novoe Vremya” AŞPA-nın Azərbaycan üzrə həmməruzəçilərinin Azərbaycanla bağlı hesabatında rəsmi Bakının insan haqlarını pzomasına dair düşüncələrin yer almasını “həmməruzəçilərin hər halda Azərbaycan “demokratiyası”nı tamam silməməsi” kimi dəyərləndirir.
“Bizim yol” keçmiş rektor Elşad Abdullayevin yaydığı videoları “yeni video-bomba” kimi dəyərləndirir.
Qafqaz Müsəlmanları İdarəsinin sədri, şeyxülislam Allahşükür Paşazadə parlamentə “Reproduktiv sağlamlığın qorunması haqqında” qanunun qəbul olunmasının əleyhinə olan məktub göndərib.
“Yeni Müsavat” keçmiş rektor Elşad Abdullayevin iqtidarı ifşa edən videonun yazılı stenoqramını yayıb.
Qəzet şərti “milyarderlər ittifaqı”nın təisisçisi Abbas Abbasovun oğlu, deputat Aydın Abbasovun Gəncədəki ofisinin bağlandığı, bu adamlara məxsus biznes qurumlarının çökdürülməsi prosesinin getdyini yazır.
-
- Bazarların icmalı
- 14 Dekabr 2012 06:46
-
- İqtisadiyyat
- 14 Dekabr 2012 11:25
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz