Mətbuat-Monitorinq 15-16.06.14

Rəsmi qəzetlər dövlət başçısı İlham Əliyevin Avropa Komissiyasının sədri Barrozo ilə görüşü, bəyanatlarla çıxış etməsi, tərəflər arasında sənədin imzalanması haqda xəbərləri ilk səhifələrə yerləşdiriblər.

“Azadlıq” qəzeti 2015-ci ilin parlament seçkiləri ərəfəsində iqtidar daxilində ciddi təlatümlərün yaşanacağı, parlamentin kimin əlində olması uğrunda Paşayevlərlə “Naxçıvan klanı” arasında savaşın şiddətlənəcəyi mülahizəsini manjetə çıxarıb.

Ölkə əhalisinin gəlirlərinin artması, ərzağın qiymətinin ucuzlaşması haqda Statistika Komitəsinin açıqlamasını ekspertlər yalan sayaraq rəsmi statistika ilə reallıq arasında ciddi fərqlərin olması barədə şərh veriblər.

Qəzet dövlət başçısı İlham Əliyevin Avropa Komissiyasının prezidenti Barrozo olə görüşündə ölkədə media, din, sərbəst toplaşmaq azadlığının təmin olunması haqda bəyanatını “Əliyevin növbəti yalanı” kimi dəyərləndirir.

Ölkədə aqrar sektorun inkişaf etməməsini və ərzaq malları baxımından ölkənin  idxaldan asılı olmasını ekspertlər məmurların inhisarçı maraqları ilə izah ediblər.       

“Yeni Müsavat” Bakıda geniş yayılan “Milupa Aptamil Südlü Taxıl Qarışığı” uşaq qidasının tərkibində GMO olması haqda Türkiyənin “Sabah” qəzetindaki araşdırmanı önə çəkərək faktı “təhlükəli uşaq qidaları” adlandırır. 

Politoloq Hikmət Hacızadə RF XİN başçısı Lavrovun Bakıya gözlənilən səfərini “Azərbaycanı Qərbdən uzalqaşdırmağa hesablanan səfər” adlandırır.

Sumqayıt şəhər iscra başçısı Eldar Əzizovun Hesablama Palatasını razı salmaq üçün büdcə təşkilatlarndan kütləvi şəkildə pul toplamasını “icra başçısının “xərac” yığımına başlaması” kimi dəyərləndirir.