Mətbuat-Monitorinq 15.01.13

“Yeni Azərbaycan” qəzeti yanvarın 13-də Lənkəranda İsa Qəmbərə qarşı törədilmiş cinayət hadisəsinə “xalqın radikal müxalifət liderlərinə münasibətinin göstəricisi” kimi sərsəm münasibət ifadə edir. Bundan əlavə, qəzet iqtidarı kəskin tənqidə məruz qoyan ziyalı və ictimai xadim Rüstəm İbrahimbəyovu və keçmiş deputat Gültəkin Hacıbəylini aşağılyan şərhlər  yerləşdirib. 

“Azadlıq” PA rəhbəri Ramiz Mehdiyevə istefa verməyin təklif olunması, onun isə bu təlkifdən imtin etməsi xəbərini manjetə çıxarıb.

Vətəndaş cəmiyyəti institutları iqtidara artan təpkiləri dünyanın “Azərbaycanda dəyişikliklərin labüd olduğunu artıq anlaması” kimi dəyərləndirir.

Tanınmış ziyalı və ictimai xadim Rüstəm İbrahimbəyovun haqqında danışdığı hərəkatın əsas vəzifəsi prezident seçkilərində səsləri qorumaq və saxtakarlıqların qarşısını almaq olacaq.   

Qəzet 12 yanvar aksiyasında iştiraka görə fəalların məhkəmə vasitəsilə 300-600 manat arasında cərimə olunmalarını “iqtidarın namərdliyi” kimi dəyərləndirir. 

Orduda əsgərlərə işgəncələrin davam etdiyini yazan qəzet qey edir ki, Lənkəranda hərbi xidmət keçən 11 ayın əsgəri Davud Cəlilli komandirin onu soyuq su altında çimməyə məcbur etməsi, daha sonra karaula çıxarması nəticəsində danışmaq, görmək, yerimək qabiliyyətini itirib. 

Danimarkadakı Qlobal Məsləhət Şəbəkəsinin Azərbaycanla bağlı hesabatında Əliyevlər dövründə keçirilən bütün seçkilərin saxtalaşdırıldığı bildirilib. 

Kiberhücumlara məruz qalan “azadlıq.info”, “müsavat.com” və s. saytların bu hücuma görə iqtidarı ittiham ediblər.  

"Zerkalo”  ötən il Xəzərə natəmiz suların axıdılması kimi 250 faktın aşkar olunmasına toxunaraq, “çirklənməni necə dayandıraq?” suali ilə cəmiyyətə müraciət edir.

“Ekspress” yanvarın 12-də əsgər ölümlərinə etiraz olan aksiyada iştiraka görə bir qrup gəncin yeni yüksək hədli cərimə qaydaları ilə cərimələnməsinə “mitinq cəriməsinin siftəsi”” ironik münasibətini ifadə edir. 

“Exo” elektron hökumət layihəsi reallaşdırıldıqdan sonra 20 minə qədər məmurun iş yerini itirə biləcəyini nəzərə çatdırır. 

“Novoe Vremya”  Norveç xarici işlər nazirinin Azərbaycana səfəri və səfərdə daha çox neft-qaz haqda danışılmasına “iqtidarın əl-qol açmasına neft-qaz mübadiləsi” taktikası yenidən işə düşəcəkmi?” mövqeyini ifadə edir. 

Qəzet Müsavat Partiyasının başqanı İsa Qəmbərə Lənkəranda olan hücumu “iqtidarın reallıq hissini itirməsi” adlandırır. 

“Bizim yol” əsgər ölümlərinə etiraz aksiyalarında iştiraka görə iştirakçılara yüksək cərimələrin tətbiq olunmasını “iqtidarın “cəza qanununun işə düşməsi” sayır.

Politoloq Zərdüşt Əlizadə Qəbələ RLS-in fəaliyyətinin dayandırmasını, PA-nın rəhbəri Ramiz Mehdiyevin, hazırda müdafiə naziri Səfər Əbiyev və Qərargah rəisi Nəcməddin Sadıxovun tənqidlərə məruz qalmasını Rusiyanın Azərbaycanda mövqelərinin zəiflədilməsi kimi dəyərləndirir. 

“Yeni Müsavat” “deputatlıq rüşvəti” videosunda görüntülənən mərhum Sevinc Babayevanın ölümündən əvvəl möhkəm döyüldüyünü yazır.

Müsavat Partiyasınln başqanı İsa Qəmbərə yanvarın 13-də Lənkəranda olan basqının əks-səda doğurmasını qəzet “bu sui-qəsdin ölkə və dünyanı ayağa qaldırması” kimi dəyərləndirir. Qəzet bu hücuma rayon İcra Hakimiyyətinin başçısı Taleh Qaraşovun şəxsən rəhbərlik etdiyini nəzərə çatdırır. 

Qəzet “minval.az” saytına xarici ölkələrdən olan hücumlara diqqət çəkən qəzet bu hücumların ölkə içindən idarə olunduğunu iddia edir. 

Öldürülən əsgər Ceyhun Qubadovun evinin önündə polis postu qurulub. Qəzet “təzyiqlə üzləşən ailənin bu fakta hələlik susduğunu” bildirir. 

Həbsdə olan partiya sədri Nemət Pənahlının ölümlə təhdid edildiyini yazan qəzet  bu təhlükə ilə bağlı dövlət başçısına müraciət edildiyini bildirir.