![Amnesty International: Azərbaycanda müxalifətçilərə hücumlar və həbslər ədalətli seçkilər vəd etmir](https://turan.az/resized/media/2013/main/011500024548-750-500-resize.webp)
Amnesty International: Azərbaycanda müxalifətçilərə hücumlar və həbslər ədalətli seçkilər vəd etmir
Müxalifətdən prezidentliyə namizəd İsa Qəmbərə qarşı təşkil olunmuş hücumun ciddi araşdırılması lazımdır. Amnesty İnternational hüquq-müdafiə təşkilatı belə hesab edir.
Təşkilatın Turan-a daxil olan müraciətində deyilir ki, bazar günü İ.Qəmbərin avtomobili Lənkərana daxil olarkən 10 avtomobil onu əhatəyə alıb. 100 nəfərdən çox adamın olduğu dəstə onları daş və yumurta atəşinə tutub, avtomobilin pəncərələrini sındırıblar. İ.Qəmbərin əhatəsində olan 9 nəfər xəsarət alıb, yumruq və təpiklə döyülüb, partiya sədrinin müavini maşınla vurulub.
Hücum zamanı Müsavatın fotoqrafı Mehman Kərimov saxlanılaraq naməlum şəxslər tərəfindən dindirilib. Onun kamerası əlindən alınıb.
Yaxınlıqda olan polis əməkdaşları müdaxilə etməyiblər. İ.Qəmbər və onu müşayiət edən şəxslər əhatəni yararaq çıxa biliblər. Lakin bundan sonra da onu bir neçə kilometrdə beş avtomobil izləyib.
“İsa Qəmbərə açıq-aşkar təşkil edilmiş hücum və polisin müdaxilə etməməsi çox narahatlıq doğurur və araşdırılmalıdır”, - Amnesty International-ın Avropa və Mərkəzi Asiya üzrə direktoru Con Lfkecty bildirib.
“Hakimiyyət dərhal insidentin araşdırılmasına başlamalıdır. Azərbaycanın avropalı tərəfdaşları müxalifətdən prezidentliyə namizədə qarşı bu cür ciddi hücumun baş verməsinin səbəblərinin açıqlanmasını tələb etməlidir”, - o qeyd edib.
Şənbə günü Bakıda 2000-ə yaxın adam gənc əsgərin ölümünə etiraz olaraq toplaşıb. Aksiyanın siyasi partiyalar tərəfindən təşkil olunmadığına baxmayaraq, 50-ə yaxın gənc fəal və hüquq müdafiəçisi polis tərəfindən saxlanılıb. Onlardan 22-nə qarşı 300-dən 600 AZN-dək (US $ 380-760) cərimə irəli sürülüb.
“Bu yaxınlarda vicdan məhbuslarının azad edilməsinə baxmayaraq, Azərbaycan hökuməti özgəfikirliliyin ifadəsinə görə müxalifət fəallarının həbsini davam etdirir”, - Dalusen vurğulayıb.
“Bütün bunlar toplaşma və ifadə azadlığı hüququnu nəzərdə tutan azad və düzgün prezident seçkilərinin keçiriləcəyini vəd etmir”, - o vurğulayıb. -02D-
-
- Cəmiyyət
- 15 Yanvar 2013 11:06
-
- İqtisadiyyat
- 15 Yanvar 2013 11:28
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz