Mətbuat-Monitorinq 15.01.15

Rəsmi qəzetlər dövlət başçısı İlham Əliyevin Türkiyə səfəri çərçivəsində görüşlərinə dair xəbərləri ilk səhifələrdə yerləşdiriblər.

“Azərbaycan” qəzeti isə bələdiyyə seçkilərinin nəticəsi olaraq bələdiyyə üzvləri seçlilən şəxslərin syahısını dərc edib.

“Azadlıq” Azərbaycandan Rusiyaya dollar axınının baş verməsinə diqqəti çəkərək şimal qonşunun əmlak bazarına sərmayə qoyuluşunun manatın mövqeyini zəiflədə biləcəyi barədə  xəbərdarlıq edir.

Qəzet Şəki şəhərinin küçələrini jurnalist Xədicə İsmayıla həsr edilən “Xədicəni azad et!” plakatlarının bürüdüyünü yazır.

AXCP siyasi məhbuslarla bağlı sosial şəbəkələrdə kampaniyaya başlayıb, ilk olaraq “Xədicəni azad et!” haştagı ilə həftə ərzində jurnalistin araşdırma və çıxışları paylaşılır.

ABŞ-ın   “Amnesty İnternational” hüquq- müdafiə təşkilatına görə, rəsmi Bakı beynəlxalq miqyaslı idman yarışlarına ev sahibliyi etmək səylərilə ölkədəki siyasi repressiyaları ört-basdır etmək məqsədi güdür.

ABŞ-ın Azərbaycanda keçmiş səfiri R.Kozlariç rəsmi Bakının son dönəm siyasətini ciddi tənqid edərək PA-nın rəhbəri Ramiz Mehdiyevin Azərbaycan- ABŞ əlaqələrini minimuma qədər məhdudlaşdıra bildiyini nəzərə çatdırır.

Rəsmi Bakının son zamanlar ABŞ-a qarşı “hücum”unu qəzet hakimiyyətin ABŞ ilə bütün  körpülərini “yandırması”, münasibətlərin dönməz xarakter alması kimi dəyərləndirir.

Dağıstanda Azərbaycan abidələrinə sayğısızlıq fonunda azərbaycanlıların sıxışdırılması haqda son zamanlar yayılan xəbərləri Dağıstan rəhbərliyi “vəzifədən çıxarılan bəzi şəxslərin” iki xalqın münasibətlərinə zərər vurmaq səyi adlandırıb.

“Ekspress”  Tarif Şurasının bu günlərdə benzinin qiymətinin qaldırılması haqda qərarını dövlət başçısı İlham Əliyevin ləğv etməsi xəbərini ilk səhifəyə çıxarıb.

İŞİD terror qruplaşmasının Azərbaycandakı yəhudi sinaqoqlarında terror törədəcəyi hədələrinə Dini Komitənin sədri Mübariz Qurbanlı “Azərbaycanda yəhudi sinaqoqlarına qarşı terror təhlükəsinin sıfıra bərabər olması” bəyanatını verib.

“Exo” nəqliyyatı intellektual idarəetmə sisteminin ümidləri doğrultmamasını ilk plana çıxararaq ekspertlərə isnadən sistemin tətbiqinə sərf edilən milyonlarla vəsaiti “havaya sovrulmuş” adlandırır.

Qəzetin yazdığına görə, ABŞ politoloqu Pol Qobl Dağıstanda Azərbaycan abidələrinə vandalizm aktlarının “etnik münaqişə” yaradacağı kim şərh edib.

“Novoe Vremya”  bu il yanvarın 7-də Parisdə nəşr edilən “Charlie Hebaldo” jurnalının redaksiyasnında törədilən terror aktını “Charlie Hebaldo” adı  altında təxribat” kimi dəyərləndirir.

“Bizim yol”  benzinin bahalaşması ilə bağlı Tarif Şurasının bu günlərdə verdiyi qərarı dövlət başçısı İlham Əliyevin ləğv etməsini diqqət mərkəzinə çəkir. 

Qəzet ölkənin pərakəndə satış nöqtələrində zinət əşyalarının real dəyərindən iki dəfə baha satıldığı haqda geniş məqalə dərc edib.

“Yeni Müsavat”  benzinin bahalaşması haqda Tarif Şurasının bu günlərdə verdiyi qərarın ləğv olunmasını onə çəkərək bunu rəsmi Bakının “seçki ili” kimi həssas dönəmdə riskə getmək istəməməsi kimi dəyərləndirir.

Qəzet bu il yanvarın 7-də Parisdəki terror aktı haqda bir neçə məqalə həsr edib, bu yazılarda terror faktı kənara qoyulur, “Charlie Hebdo”nun karikaturaları ilk plana çıxır və “Karikatura müharibəsi”-Qərbin yeni “səlib yürüşü başlayır?” mövqeyi sərgilənir.