![Mətbuat-Monitorinq 15.05.13](https://turan.az/resized/media/2013/main/051400036171-750-500-resize.webp)
Mətbuat-Monitorinq 15.05.13
Rəsmi və hökumətyönlü qəzetlər dövlət başçısı İlham Əliyevin Avstriyaya səfərini, səfər çərçivəsində görüş və keçirilən mətbuat konfransını ön plana çıxarıblar.
“Azadlıq” qəzeti parlamentin vitse-spikeri Ziyafət Əsgərovun “ola bilər, ingilis, kanadalı, amerikalı üçün namus məsələsi əhəmiyyət kəsb etmir” həqarətini ilk səhifəyə çıxarıb. Yada salaq ki, Z.Əsgərov İnternet resurslarda həqarətə görə cəzanın sərtləşdirilməsini “namusu” qorumağa bərabər tutub.
İranla münasibətlərin gərgin vaxtında QMİ sədri Allahşükür Paşazadəinin İrana gözlənilən səfəri ekspertlərdə xeyli suallar doğurub.
Peşə fəaliyyətlərini yerinə yetirən “Salamnews” İnformasiya Agentliyinin əməkdaşları Nəqliyyat Departamenti əməkdaşlarının hücumuna məıruz qalıblar.
Sumqayıt şəhər 17 saylı məktəbin şagirdini müəllimə qaçmaqla cəzalandırıb və bunun nəticəsində uşaq vəfat edib. Şagird Azad İlyasovun atası Tariyel İlyasov bu ölümə görə müəlliməni günahkar sayır.
“Zerkalo” ölkə parlamentinin qanunvericiliyi siyasi məqsədlər baxımından sərtləşdirməsinə “parlamanet qanunvericilyə növbəti irticaçı dəyişkilikıət etdi” yanaşması sərgiləyib.
Rəsmi Kremlin Bakı-Novorossiysk kəməri ilə neft nəqlini dayandırmasını qəzet “Azərbaycanın faktiki şimal marşrutundan məhrum olması” adlandırır.
“Ekspress” İranda həbs edilən Azərbaycan ədəbiyyatşünası Xalidə Xalid və sürücüsü ilə görüşünə rəsmi Tehranın icazə verməməsini ilk səhifəyə çıxarıb.
Ermənilərə snayperçilər və təxribatçılar hazırlayan Bolotnikov familiyalı rus zabiti Azərbaycan ordusunun cəbhə bölgəsində təlimləri zamanı öldürülüb.
“Exo” “Rusiya erməniləri ittifaqı”nın Dağlıq Qarabağda terrorçuların hazırlanmasına rəhbərlik etdiyini yazaraq bunu “Ara Abramyanın iştirakı ilə dövlət terrorizmi” kimi dəyərləndirir.
“Novoe Vremya” rəsmi Bakının siaysi məqsədlər baxımından ölkə qanunvericiliyini sərtləşdirməsinə “iqtidarın seçkilərə özünəməxsus şəkildə hazırlaşmağa davam etməsi” şərhi verir.
“Bizim yol” qəzeti rəsmi Kremlin Bakı-Novorossiysk kəmərilə Bakı neftinin tranizitnə qadağa qoymasını baş nazir “Medvedyedin Azərbaycanla müqaviləyə xitam verməsi” kimi qiymətləndirir.
Ölkənin turist məkanlarında qiymətlərin yüksək olması “turizm adına soyğunçuluq” kimi şərh edilir.
“Yeni Müsavat” rəsmi Kremlin Bakı-Novorossiyask kəmərilə neft nəqlini dayandırmasına toxunan qəzet bunu “Bakını Moskvaya bağlayan sonuncu “ipin kəsilməsi” kimi şərh edir.
Mayın 9-da “Xudat hadisəsi”nə görə tutulan Müsavat Partiyası Xaçmaz rayon təşkilatının 4 üzvünün Quba rayon polisində saxlanması aşkar edilib.
Perinatal Mərkəzdə doğuş zamanı ana və uşağı ölüb, yaxınları ölümə səbəb kimi həkimin anaya yanlış qan vurmasını, həkim isə qadının ürəyinin dayanmasını göstərir.
-
- Siyasət
- 15 May 2013 12:16
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz